پاک بھارت میچ، کہاں کہاں بڑی اسکرینز پر میچ دیکھایا جائیگا؟
ٹی ٹوئنٹی ورلڈکپ میں روایتی حریف انڈیا اور پاکستان کے درمیان ہائی وولٹیج میچ کو دیکھنے کے لیے کرکٹ کے مداحوں میں جوش و خروش عروج پر پہنچ گیا۔امریکہ کے شہر نیویارک کے34 ہزار نشستوں کے عارضی نساؤ کاونٹی کرکٹ اسٹیڈیم میں متوقعہ سننی خیز مقابلے پر دنیا بھر کی طرح شہریوں کی بھی نظریں جمی ہوئی ہیں،
شہر کے مختلف مقامات پر دنیا کے سب سے بڑے مقابلے کو براہ راست دکھانے کیلئے بڑی اسکرینز نصب کی جا رہی ہیں۔سر سید یونیورسٹی اسپورٹس گراونڈ میں لائیو اسٹریمنگ کا اہتمام کیا گیا ہے جہاں طلبا و طالبات کے ساتھ فیکلٹی ممبران اور دیگر بڑی اسکریں پر میچ دکھ سکیں گے۔کیماڑی کے ساحل پر پورٹ گرانڈ میں بھی بڑی اسکرین لگائی جارہی ہے،
وزیر کھیل سندھ سردار محمد بخش مہر کی ہدایت پر محکمہ کھیل بھر میں عوامی مقامات پر بڑی اسکرین پر پاک بھارت میچ لائیو دکھائے گا۔ کراچی، حیدرآباد، لاڑکانہ، سکھر سمیت دیگر اضلاع میں پاک بھارت میچ لائیو دکھانے کا اہتمام کیا گیا ہے۔ حیدرآباد میں نیشنل اسٹیڈیم، خیرپور میں ممتاز کرکٹ گراؤنڈ اور ٹنڈو محمد خان میں پاک بھارت میچ اسکرین پر لائیو دکھایا جائیگا.دوسری جانب راولپنڈی کرکٹ اسٹیڈیم میں بھی بڑی اسکرین نصب کردی گئی، جب کہ اسٹیڈیم میں داخلے کی فیس بھی رکھی گئی ہے شائقین بک می ڈاٹ پی کے سے ٹکٹ حاصل کرکے لائیو اسٹریم میچ سے اسٹیڈیم میں لطف اندوز ہوسکیں گے۔واضح رہے کہ پاکستانی وقت کے مطابق شام ساڑھے 7 بجے شروع ہونے والے میچ کو دنیا بھر میں ریکارڈ 40 کروڑ افراد دیکھیں گے۔
