کویت میں پھنسے پاکستانی مسافر فرش پر سونے پر مجبور
دبئی میں حالیہ طوفان کے دوران کئی پروازیں منسوخ کر دی گئیں جس کی وجہ سے کچھ پاکستانی مسافر دو دن تک کویت ایئرپورٹ پر پھنسے رہے۔ ذرائع نے بتایا کہ ایئرلائن نے اس دوران مسافروں کو صرف دو بار کھانا فراہم کیا اور جب کہ بھارتی اور نیپالی مسافروں کو ہوٹلوں میں بھیجا گیا، 50 سے زائد پاکستانی مسافروں کو ایئرپورٹ کے فرش پر سونے پر مجبور کیا گیا۔
یہ مسافر دبئی سے عمرہ کی ادائیگی کے لیے سعودی عرب جا رہے تھے۔ کویت میں پھنسے مسافروں نے کویت میں پاکستانی قونصل خانے سے رابطہ کرنے کی کوشش کی ہے اور اپنی حکومت سے فوری مدد کی اپیل کی ہے۔ واضح رہے کہ دبئی میں شدید بارشوں کی وجہ سے دبئی جانے والی کچھ پروازوں کو کویت ایئرپورٹ پر ری روٹ کر دیا گیا تھا جس کی وجہ سے اوپر بیان کی گئی صورتحال سامنے آئی ہے۔
