بلوچستان میں قیمتی اینٹیمنی کے ذخائر دریافت
بلوچستان میں اینٹیمنی دھات کے وسیع ذخائر دریافت ہونے کے بعد، اس کے مکمل تجزیے کے لیے ریموٹ سینسنگ اور جیولوجیکل سروے کی تیاری مکمل کر لی گئی ہے۔تفصیلات کے مطابق، اس منصوبے میں او جی ڈی سی ایل اور پی ایم ڈی سی کی 50،50 فیصد شراکت داری ہوگی،
اور اس کا باقاعدہ اعلان پاکستان منرلز انویسٹمنٹ فورم میں متوقع ہے۔حکام کے مطابق، اینٹیمنی کی ریفائننگ کے لیے اومان کی جدید سہولتوں سے استفادے پر غور کیا جا رہا ہے، جس سے پاکستان کے معدنی شعبے میں ایک نئی تاریخ رقم ہونے کا امکان ہے۔
ایس آئی ایف سی کی حکمت عملی کے نتیجے میں معدنی سرمایہ کاری کے نئے دروازے کھلنے لگے، جبکہ گلگت بلتستان میں تانبہ، نکل اور کوبالٹ کے قیمتی ذخائر کی تصدیق ہو چکی ہے۔دوسری جانب، چنیوٹ کے معدنی ذخائر کی تلاش کے لیے او جی ڈی سی ایل اور منرل ڈیپارٹمنٹ کے درمیان اہم پیش رفت ہوئی ہے، جبکہ جدید کان کنی کو فروغ دینے کے لیے تعلیمی نصاب کو عالمی معیار سے ہم آہنگ کرنے کا فیصلہ کیا گیا ہے۔
