کراچی کے کورنگی روڈ، کالا پل کے قریب پکنک پر جانے والی اسکول بس حادثے کا شکار ہوگئی۔ بس میں 40 سے زائد طلبا، اساتذہ اور اسکول پرنسپل سوار تھے، لیکن خوش قسمتی سے کوئی جانی نقصان نہیں ہوا۔
ابتدائی رپورٹ کے مطابق بس ڈرائیور نے پہلے ایک موٹرسائیکل کو ٹکر ماری، اور پھر بس کو بھگا کر فرار ہونے کی کوشش میں حفاظتی بیریئر سے ٹکرا گیا۔ ڈرائیور اسکول کے بچوں کو موقع پر چھوڑ کر فرار ہو گیا۔
ٹریفک پولیس کے مطابق بچے کراچی زولوجیکل گارڈن پکنک کے لیے جا رہے تھے۔ حادثہ ڈرائیور کی لاپرواہی کی وجہ سے پیش آیا۔ پولیس نے بس کو تحویل میں لے کر ڈرائیور کی تلاش شروع کر دی ہے۔
