مستونگ میں دھماکا، جعفر ایکسپریس کی 5 بوگیاں پٹڑی سے اتر گئیں
مستونگ کے قریب سپیزنڈ ریلوے اسٹیشن پر ریلوے ٹریک میں دھماکے کے نتیجے میں جعفر ایکسپریس کی پانچ بوگیاں پٹڑی سے اتر گئیں۔ ریلوے حکام کے مطابق دھماکے میں چار مسافر معمولی زخمی ہوئے جنہیں موقع پر طبی امداد فراہم کر دی گئی۔
جعفر ایکسپریس صبح نو بجے پشاور کے لیے روانہ ہوئی تھی اور دھماکے کے وقت سپیزنڈ کے قریب سے گزر رہی تھی۔ اطلاع ملتے ہی ریلوے کی امدادی ٹیمیں، ریلیف ٹرین اور متعلقہ حکام جائے وقوعہ پر پہنچ گئے، جبکہ سیکیورٹی فورسز اور پولیس نے علاقے کو گھیرے میں لے لیا۔
Read More..
بم ڈسپوزل اسکواڈ ٹریک کی کلیئرنس میں مصروف ہے، جس کے بعد مسافروں کو ریلیف ٹرین کے ذریعے کوئٹہ منتقل کیا جائے گا۔ وزیر ریلوے محمد حنیف عباسی نے واقعے کی مذمت کرتے ہوئے کہا کہ دہشت گردوں کی بزدلانہ کارروائیاں ہمارے عزم کو متزلزل نہیں کر سکتیں۔
