ہفتے کے 7 دنوں میں کس دن زیادہ خود کشیاں ہوتی ہیں؟جانیے
محققین کی بین الاقوامی ٹیم نے دریافت کیا ہے کہ امریکہ اور پوری دنیا میں پیر کے دن خودکشیوں کا خطرہ سب سے زیادہ ہوتا ہے۔یونیورسٹی آف ٹوکیو کے شعبہ گلوبل انوائرمینٹل ہیلتھ کے ایسوسی ایٹ پروفیسر یونہی کم کی سربراہی میں ٹیم نے پایا کہ دیگر دنوں کے مقابلے میں پیر کے دن سب سے زیادہ خودکشیاں ہوئیں جو کہ پندرہ سے 18 فی صد بنتی ہیں۔نتائج یہ بھی ظاہر کرتے ہیں کہ ہفتے کے آخر میں خودکشیوں کا خطرہ مختلف ممالک کے درمیان مختلف ہوتا ہے۔ ایشیا ، یورپ اور شمالی امریکہ کے کئی ممالک میں ہفتہ یا اتوار کو خودکشی کا خطرہ سب سے کم ہوتا ہے۔ تاہم جنوبی اور وسطی امریکی ممالک، فن لینڈ اور جنوبی افریقہ میں ویک اینڈ کے دوران خودکشی کا خطرہ بڑھ جاتا ہے۔
