چرس کا زیادہ استعمال: زندگی کے کتنے سال کم ہو سکتے ہیں؟
کینیڈا کے ایک نئے مطالعے سے پتہ چلتا ہے کہ جن لوگوں کو چرس کے زیادہ کے استعمال کیوجہ سے ایمرجنسی میں یا ہسپتال میں داخل کرانا پڑتا ہے، ان میں 5 سال کے اندر اندر موت کا خطرہ بڑھ جاتا ہے۔
یہ مطالعہ جاما نیٹ ورک اوپن میں شائع ہوا جس میں محققین نے کہا کہ چرس کے زیادہ استعمال اور ایسی مصنوعات کی طاقت میں نمایاں اضافہ صحت عامہ کی تشویش کے طور پر اس مسئلے کی سنگینی کو واضح کرتا ہے۔ یہ مسئلہ نوجوان آبادی میں خاص طور پر تشویش ناک ہے کیوں کہ چرس کو قانونی حیثیت دے نے کے بعد اسکی کمرشل مارکیٹنگ میں بھی اضافہ ہوگیا ہے۔
مطالعہ کے سرکردہ مصنف، ڈاکٹر ڈینیئل میران نے بتایا کہ دنیا بھر میں چرس کا استعمال تیزی سے بڑھ رہا ہے اور اب کینیڈا اور امریکہ میں روزانہ شراب پینے سے زیادہ لوگ چرس کا استعمال کرتے ہیں۔انھوں نے مزید کہا کہ چونکہ چرس کے ہستعمال میں اضافے سے جلد موت کا بڑھتا ہوا خطرہ بھی اس سے منسلک ہے، خاص طور پر نوجوان آبادی میں، تو یہ ضروری ہے کہ ہم اسے شناخت کریں اور صحت عامہ کے اس مسئلے پر کام کرنا شروع کریں۔
چرس پینے والے شخص کی زندگی پر اسکے اثرات کئی عوامل پر منحصر ہوتے ہیں، جیسے کہ استعمال کی مقدار، دورانیہ، طرزِ زندگی، مجموعی صحت، اور دیگر طبی یا نفسیاتی مسائل۔
عمومی طور پر:
چرس خود براہِ راست موت کی وجہ نہیں بنتی، لیکن اس کا طویل مدتی استعمال مختلف بیماریوں کا سبب بن سکتا ہے جو زندگی کو کم کر سکتی ہیں۔
اگر کوئی شخص چرس کے ساتھ سگریٹ، شراب، یا دیگر منشیات بھی استعمال کرتا ہے تو خطرات بڑھ جاتے ہیں۔
دماغی صحت: مسلسل استعمال سے ڈپریشن، اینزائٹی، یادداشت کی خرابی اور شیزوفرینیا جیسے مسائل پیدا ہو سکتے ہیں۔
دل کی بیماری: چرس دل کی دھڑکن کو تیز کر سکتی ہے، جس سے ہارٹ اٹیک کا خطرہ بڑھ سکتا ہے
پھیپھڑوں کے مسائل: اگر چرس کو سگریٹ یا کسی اور طریقے سے پیا جائے تو پھیپھڑوں کو نقصان پہنچ سکتا ہے
