زنیرہ بلوچ کا اعزاز ،14سال کی عمر میں یونیسیف کی نمائندگی
بلوچستان سے تعلق رکھنے والی چودہ سالہ زنیرہ بلوچ کو یونیسیف کی یوتھ ایڈووکیٹ برائے کلائمٹ ایکشن اینڈ گرلز امپاورمنٹ مقرر کیا گیا ہے۔زنیرہ قیوم کے انتخاب کا اعلان بریتھ پاکستان کلائمٹ کانفرنس میں ماحولیات سے متعلق وکالت اور بچوں کے حقوق کیلئے انکی خدمات کے اعتراف میں کیا گیا ہے۔زنیرا قیوم نے سی او پی 29 سمیت قومی اور بین الاقوامی پلیٹ فارمز پر پاکستان کے نوجوانوں کی نمائندگی کی ہے۔ماحولیاتی تبدیلیوں کیوجہ سے آنیوالے سیلاب بلوچستان کے علاقے حب میں لڑکیوں کی ثانوی تعلیم پر کس طرح اثر انداز ہوتے ہیں،
اس بارے میں انکی تحقیق 2023 میں یونیسیف کے پالیسی ریسرچ چیلنج میں شامل ہوئی اور اس پر انھیں اوّل پوزیشن دی گئی تھی۔زنیرا بلوچ نے یونیسیف کی یوتھ ایڈوکیسی گائیڈ کا استعمال کرتے ہوئے جو نوجوان پالیسی مباحثوں، تحقیق اور ماحولیاتی آلودگی کیخلاف مہم کی نیٹ ورکنگ میں مشغول ہیں، کو بھی تربیت دی ہے۔یونیسیف پاکستان کے نمائندے عبداللہ فاضل نے زنیرا قیوم کے کام کو سراہتے ہوئے اسے مستقبل کیلیے امید کا ذریعہ قرار دیا ہے۔
زنیرا نے بڑھتے ہوئے ماحولیاتی خطرات کے خلاف اقدامات کرنیکے لئے نوجوانوں کو بااختیار بنانے کی ضرورت پر زور دیا۔یہ تقرری ایک ایسے اہم وقت میں کی گئی ہے، جب موسمیاتی تبدیلی پاکستان میں تعلیم اور ذریعہ معاش کو بری متاثر کر رہی ہے۔یونیسیف کے ایک حالیہ تجزیے میں بتایا گیا ہے کہ 2024 میں ماحولیاتی تبدیلیوں کیوجہ سے آنیوالی آفات نے 26 ملین بچوں کی تعلیم کو متاثر کیا ہے، جن میں سے سولہ ملین صرف پنجاب میں فضائی آلودگی سے متاثر ہوئے ہیں۔
