دبئی جانیکے خواہشمند پاکستانیوں کے لئے خوشخبری
دبئی جانیکے خواہشمند افراد کی بڑی مشکل آسان ہوگئی، جس سے ویزے کے حصول میں آسانی ہوگی۔تفصیلات کے مطابق اماراتی قومی دن کی تقریبات کے بعد کراچی میں واقع ایشیا کے سب سے بڑے ویزہ سینٹر نے دوبارہ سے کام شروع کردیا، اماراتی قونصل خانے کیجانب سے ویزے کے خواہش مند افراد کیلیے کراچی میں ویزا سینٹر کو دوبارہ سے فعال کیا گیا ہے، ویزا سینٹر میں ویزے کے حصول کے لئے آنیوالوں کارش لگ گیا، ویزہ سینٹر کو روایتی عرب ثقافت کی طرح سجایا گیا اور قونصلیٹ آنیوالوں کو قہوہ اور کھجوریں پیش کی گئیں۔
اماراتی وزارت خارجہ کے حکام نے بھی ویزہ سینٹر کا دورہ کیا، اس موقع پر قونصل جنرل نے کہا کہ پاکستانی عوام کو ویزے کی سہولت کیلئے ہروقت عملہ موجود ہوتا ہے، ویزے کیلئے آنیوالے پاکستانی بہن بھائیوں کیلیے ہر قسم کی سہولیات اور آسانیاں پیدا کی جائیں۔انکا کہنا ہے کہ کاروباری حضرات کے لیے بھی ہر ممکن طور سے ہر سہولت فراہم کی جائیگی، آئندہ آنیوالے دنوں میں پاکستان مزید ترقی کے مراحل طے کریگا، پاک یو اے ای تعلقات صدیوں پر محیط ہیں اورمستقبل میں مزید مضبوط ہونگے.
