پاک چین مذاکرات مکمل، شراکت داری مزید مضبوط بنانے پر اتفاق
اسلام آباد: پاکستان اور چین کے درمیان اعلیٰ سطحی باضابطہ مذاکرات مکمل ہو گئے ہیں جن میں دونوں ممالک نے دوطرفہ اسٹریٹجک شراکت داری کو مزید مضبوط بنانے پر اتفاق کیا ہے۔
مذاکرات میں پاکستان کی نمائندگی نائب وزیراعظم و وزیر خارجہ اسحاق ڈار نے کی، جبکہ چینی وفد کی قیادت وزیر خارجہ وانگ یی نے کی۔ پاکستانی وفد میں سفیر خلیل ہاشمی اور ایڈیشنل سیکرٹری خارجہ عمران صدیقی بھی شامل تھے۔
ذرائع کے مطابق ملاقات میں پاک چین اسٹریٹجک تعلقات، خطے کی صورتحال اور باہمی دلچسپی کے امور پر تفصیلی تبادلہ خیال کیا گیا۔ اس موقع پر اسحاق ڈار نے چین کو بھارت کے ساتھ حالیہ کشیدگی سے آگاہ کرتے ہوئے بھارتی “جھوٹے بیانیے” کو مسترد کیا۔
فریقین نے اس امر پر زور دیا کہ پاکستان اور چین کی شراکت داری باہمی اعتماد اور تعاون پر مبنی ہے، جو خطے میں امن و استحکام کے لیے کلیدی حیثیت رکھتی ہے۔
ملاقات کے اختتام پر چینی وزیر خارجہ وانگ یی نے پاکستانی وفد کے اعزاز میں پرتکلف عشائیہ بھی دیا۔
