حج 2025 کی ای بیلٹنگ کا عمل مکمل کرلیا گیا
پاکستان ایئرپورٹس اتھارٹی (پی اے اے) نے حج 2025 کے لیے ای-بیلٹنگ کا عمل مکمل کر لیا ہے۔ پی اے اے کے مطابق یہ قرعہ اندازی کی تقریب پی اے اے ہیڈکوارٹرز کراچی میں منعقد ہوئی، جس میں ڈائریکٹر جنرل (اے وی ایم) ذیشان سعید اور منیجمنٹ کمیٹی نے شرکت کی۔ اس دوران ڈائریکٹر جنرل پی اے اے نے ‘اسٹارٹ بیلٹنگ’ کے بٹن پر کلک کر کے ای-بیلٹنگ کا عمل مکمل کیا،
اور ڈائریکٹر ہیومن ریسورس نے کامیاب امیدواروں کے نام کا اعلان کیا۔ پی اے اے نے اس بات کا بھی ذکر کیا کہ اس ای-بیلٹنگ کے ذریعے حج پر جانے والے ملازمین کی تعداد میں اضافہ کیا جائے گا۔ تاہم، تکنیکی وجوہات کی بنا پر تقریب کو فیس بک پیج پر لائیو نشر نہیں کیا جا سکا، جس پر پی اے اے انتظامیہ نے معذرت بھی کی۔
