ڈونلڈ ٹرمپ کی انتخابی کامیابی پر عالمی رہنماؤں کے پیغامات
ریپبلکن ڈونلڈ ٹرمپ کے امریکی صدارتی انتخابات میں کامیابی کے بعد بدھ کو عالمی رہنماؤں نے انھیں مبارکباد پیش کرتے ہوئے ایلن مسک کے سوشل میڈیا پلیٹ فارم ’ایکس‘ پر پیغامات جاری کرنیکا سلسلہ شروع کر دیاہے ۔۔ ان رہنماؤں نے ٹرمپ کی واپسی پر انکا خیرمقدم کیا اور انھیں دوسری مدت کیلیے نیک خواہشات کا اظہار کیا۔
وزیراعظم پاکستان شہباز شریف
ڈونلڈ ٹرمپ کو دوسری مدت کیلئے تاریخی جیت پر مبارکباد پیش کرتا ہوں ۔ میں پاکستان-امریکہ تعلقات کو مزید مضبوط بنانے کیلئے نئی انتظامیہ کے ساتھ قریبی کام کرنیکا خواہاں ہوں۔
نریندر مودی
میرے دوست، آپکو تاریخی کامیابی پر دلی مبارکباد! میں آپکے پچھلے دور کے کامیابیوں کو آگے بڑھانے اور بھارت-امریکہ کے اسٹریٹجک تعلقات کو مزید مستحکم کرنیکا منتظر ہوں۔ آئیے، ملکر اپنے لوگوں کے فائدے کیلئے اور عالمی امن، استحکام اور خوشحالی کے فروغ کیلیے کام کریں
یوکرینی صدر ولادیمیر زیلنسکی
میں عالمی امور میں صدر ٹرمپ کے ‘طاقت کے ذریعے امن کے عزم کی قدر کرتا ہوں۔ یہی اصول یوکرین میں منصفانہ امن کے قیام میں معاون ثابت ہوسکتا ہے.
اسرائیلی وزیراعظم بنجمن نیتن یاہو
“تاریخ کی سب سے بڑی واپسی پر مبارک ہو! وائٹ ہاؤس میں آپکی تاریخی واپسی امریکہ اور اسرائیل کے درمیان عظیم اتحاد کی طرف ایک نیا آغاز ہے۔ یہ ایک عظیم کامیابی ہے خلوص ِدوستی کیساتھ۔
فرانسیسی صدر ایمانوئل میکرون
“مبارک ہو، صدر ڈونلڈ ٹرمپ۔ جیسا کہ ہم نے چار سالوں کے دوران مل کر کام کیا، اسی طرح اب بھی ایک دوسرے کے ساتھ احترام اور جذبے کے ساتھ کام کرینگے۔ مزید امن اور خوشحالی کیلیے” میکرون نے X پر لکھا۔
ترکیہ کے صدر طیب اردگان
میں اپنے دوست ڈونلڈ ٹرمپ کو دوبارہ امریکی صدر منتخب ہونے پر مبارکباد پیش کرتا ہوں۔ میں امید کرتا ہوں کہ اس نئے دور میں ترک-امریکہ تعلقات مزید مضبوط ہونگے اور فلسطین کا مسئلہ اور روس-یوکرین جنگ جیسے علاقائی و عالمی بحران ختم ہونگے
جرمن چانسلر اولاف شولز
ڈونلڈ ٹرمپ کو امریکی صدر منتخب ہونے پر مبارکباد دیتاہوں ۔ جرمنی اور امریکہ نے طویل عرصے سے مشترکہ خوشحالی اور آزادی کو فروغ دینے کیلئے کامیابی سے کام کیا ہے۔ ہم اپنے شہریوں کے فائدے کیلیے یہ تعاون جاری رکھیں گے۔
برطانوی وزیراعظم کیئر سٹارمر
صدر ٹرمپ کو تاریخی انتخابی جیت پر مبارکباد۔ میں آنیوالے سالوں میں آپکے ساتھ کام کرنیکا منتظر ہوں۔ آزادی، جمہوریت اور کاروباری اصولوں کے دفاع میں ہم ہمیشہ ساتھ کھڑے ہیں۔
ڈچ وزیراعظم ڈک سکوف
صدر ٹرمپ کو فتح پر مبارکباد۔ امریکہ نیدرلینڈز کا اہم اتحادی ہے، چاہے وہ دوطرفہ تعلقات ہوں یا نیٹو جیسے بین الاقوامی تناظر میں۔ میں ہمارے مشترکہ مفادات کے لیے قریبی تعاون کا منتظر ہوں۔
