ارشد ندیم پیرس اولمپکس میں پاکستان کی واحد امید، نیرج چوپڑا سے مقابلہ
پیرس اولمپکس میں پاکستان کی تمام نگاہیں جیولین تھرو کے ورلڈ چیمپئن شپ کے سلور میڈلسٹ ارشد ندیم پر لگی ہوئی ہیں۔ ارشد ندیم نے اس اہم مقابلے کیلیے انتہائی سخت محنت کی ہے اور وہ مثبت نتائج کے لیے پُر عزم ہیں۔جیولین تھرو مقابلوں کے گروپس کا اعلان کر دیا گیا ہے اور دلچسپ بات یہ ہے کہ ارشد ندیم اور بھارتی ہم عصر نیرج چوپڑا ایک ہی گروپ میں شامل ہیں۔ دونوں ہی کھلاڑیوں کے درمیان سخت مقابلہ متوقع ہے۔ پاکستانی وقت کے مطابق دو بج کر پچاس منٹ پر ابتدائی کوالیفائنگ مقابلے شروع ہونگے.اور ارشد ندیم پانچویں نمبر پر تھرو کرنے آئینگے.ارشد ندیم کے گروپ میں عالمی نمبر پانچ ایڈیس میٹوشیویسیئس اور نمبر چھ اینڈرسن پیٹرس بھی شامل ہیں۔
علاوہ ازیں، نوے (90)میٹر کی تھرو کرنیوالے جرمنی کے میکس ڈینھنگ بھی گروپ بی کا حصہ ہیں۔ اس سے اندازہ لگایا جا سکتا ہے کہ ارشد ندیم کو اس گروپ میں سخت مقابلے کا سامنا کرنا پڑیگا.میڈل راؤنڈ کیلیے کوالیفکیشن معیار کو پچھلے ایونٹ سے بڑھا دیا گیا ہے۔ اس بار کم از کم 84 میٹر کی تھرو کرنے والے پلیئر کی میڈل راؤنڈ میں رسائی یقینی ہوگی۔ فائنل راؤنڈ میں مجموعی بارہ پلیئرز جگہ بنائینگے. اگر 84 میٹر تھرو کرنے والے پلیئرز کی تعداد بارہ سے کم ہوئی تو بہترین تھرو والے پلیئرز کوالیفائی کرپائینگے.پوری قوم کی نگاہیں ارشد ندیم پر لگی ہوئی ہیں اور وہ اس امید کیساتھ میدان میں اتر رہے ہیں کہ وہ پاکستان کو اولمپکس میں میڈل دلوائینگے. ارشد ندیم کی کامیابی پاکستان کیلئے ایک بڑی فتح ہوگی اور اس سے نوجوانوں کو بھی حوصلہ ملیگا.
