بڑے فیصلے! نیوزی لینڈ کیخلاف ٹی ٹوئنٹی اور ون ڈے اسکواڈ کا اعلان، بابر،رضوان ڈراپ
قومی کرکٹ ٹیم کے عبوری ہیڈ کوچ عاقب جاوید نے نیوزی لینڈ کیخلاف سیریز کیلیے ٹی 20اور ون ڈے ٹیم کا اعلان کردیا۔لاھور میں سلمان آغا کے ہمراہ پریس کانفرنس کرتے ہوئے عاقب جاوید نے نیوزی لینڈ کیخلاف سیریز کیلیے ٹی 20 اور ون ڈے ٹیموں کا اعلان کیا۔
سلمان علی آغا کو ٹی 20 کا نیا کپتان مقرر کیا گیا ہے جب کہ شاداب خان نائب کپتان ہونگے. بابر اعظم محمد رضوان،اور نسیم شاہ کو ٹی ٹوئنٹی ٹیم سے ڈراپ کردیا گیا۔ون ڈے ٹیم میں بھی 6 تبدیلیاں کردی گئیں،، محمد حسنین ، شاہین شاہ آفریدی اور عثمان خان کو ون ڈے اسکواڈ سے ڈراپ کردیا گیا۔
سولہ رکنی ٹی ٹوئنٹی اسکواڈ میں شاداب خان اورسلمان علی آغا کے علاوہ عبدالصمد، حارث رؤف، حسن نواز،ابرار احمد، جہانداد خان ،عباس آفریدی، محمد علی،، خوشدل شاہ، محمد حارث، عثمان خان، عرفان نیازی، عمیر بن یوسف، شاہین شاہ آفریدی اور سفیان مقیم شامل ہیں۔پندرہ رکنی ون ڈے اسکواڈ کی قیادت محمد رضوان کرینگے جب کہ عبداللہ شفیق کی ٹیم میں واپسی ہوئی ہے، باقی کھلاڑیوں میں سلمان علی آغا (نائب کپتان)، ابرار احمد، عاکف جاوید، فہیم اشرف، بابر اعظم، امام الحق، خوشدل شاہ، محمد وسیم جونیئر، محمد عرفان خان،محمد علی، نسیم شاہ، سفیان مقیم اور طیب طاہر شامل ہیں۔اوپنر فخر زمان اور صائم ایوب کو طبی مشورے پر دونوں فارمیٹ کیلیے زیر غور نہیں لایا گیا۔
