پاکستان کو بڑا جھٹکا، فخر زمان چیمپیئنز ٹرافی سے باہر

پاکستان کو بڑا جھٹکا، فخر زمان چیمپیئنز ٹرافی سے باہر

چیمپیئنز ٹرافی کے پہلے میچ میں نیوزی لینڈ کے خلاف انجری کا شکار ہونیوالے اسٹار اوپنر فخر زمان چیمپیئنز ٹرافی سے باہر ہوگئے ہیں جب کہ پی سی بی نے انکے متبادل کھلاڑی کیلیے غور شروع کرلیا ہے۔پاکستان کے اسٹار اوپنر فخر زمان نیوزی لینڈ کیخلاف میچ کے پہلے ہی اوور میں فیلڈنگ کرتے ہوئے پسلیوں میں کھنچاؤ کے سبب انجری کا شکار ہوکر فیلڈ سے باہر چلے گئے تھے تاہم کچھ دیر بعد وہ واپس کھیل میں تو آگئے تھے تاہم پی سی بی کا یہی کہنا تھا کہ انکے مستقبل کے حوالے سے اگلے روز آگاہ کیا جائیگا.

تاہم پی سی بی کے مطابق فخر زمان کی انجری سنجیدہ نوعیت کی ہے اور اب یہ فیصلہ ہوچکا ہے کہ فخر زمان چیمپیئنز ٹرافی سے باقاعدہ باہر ہوچکے ہیں اور وہ انڈیا کیخلاف میچ کیلیے ٹیم کے ہمراہ روانہ نھیں ہورہے بلکہ انہیں لاہور ہائی پرفارمنس سینٹر رپورٹ کرنیکے لئے کہا گیا ہے۔اس تصدیق کے بعد پی سی بی نے متبادل کھلاڑی کیلیے آئی سی سی کی ٹیکنیکل کمیٹی سے رابطہ کرلیا ہے۔

واضح رہے کہ ٹیکنیکل کمیٹی انجری کے شکار کھلاڑی کی رپورٹس کا جائزہ لینے کے بعد اس بات کی تصدیق کرتی ہے کہ وہ فٹ ہے یا ان فٹ اور اسکے بعد ہی متبادل کھلاڑی کو شامل کرنیکی اجازت دی جاتی ہے۔ بتایا جارہا ہے کہ پی سی بی نے فخر زمان کی تمام رپورٹس آئی سی سی کی ٹیکنیکل کمیٹی کو بھیج دی ہے اور کمیٹی جائزہ لینے کے بعد جواب دیگی.پی سی بی کا کہنا ہے کہ فخر زمان کے متبادل کھلاڑیوں پر غور ہورہا ہے مگر امام الحق کی شمولیت کا قوی امکان ہے۔

پاکستان کیلیے یہ دوسرا بڑا جھٹکا ہے کہ اس سے قبل جنوری میں صائم ایوب جنوبی افریقہ میں فیلڈنگ کے دوران انجرڈ ہوگئے تھے۔ ابتدا میں یہ خیال تھا کہ وہ چیمپیئنز ٹرافی سے قبل فٹ ہوجائینگے مگر بعد میں انھیں طویل آرام کا مشورہ دیا گیا۔فخر زمان نیوزی لینڈ کے اوپنر وِل ینگ کے شاٹ کا پیچھا کرتے ہوئے گرگئے تھے جس کے بعد انکے جسم کے بائیں حصے میں تکلیف ہوئی۔ زخمی ہونیکے بعد فخر زمان کو گراونڈ سے باہر لے جایا گیا جب کہ انکی جگہ کامران غلام نے لی۔پی سی بی کا کہنا تھا کہ ڈاکٹرز فخر زمان کے پھٹوں میں موچ آنے پر انکا معائنہ کررہے ہیں اور ان کے بارے میں مزید تفصیلات جلد بتائی جائینگی.