آئی سی سی چیمپئنز ٹرافی کے ٹکٹس خریدنے کا طریقہ
آئی سی سی چیمپئینز ٹرافی 2025 کے فزیکل ٹکٹس کی فروخت کا آج سے آغاز ہوگیا۔تفصیلات کے مطابق پاکستان میں ہونیوالے میچوں کے ٹکٹ نجی کوریئر کمپنی کے مقرر کردہ آئوٹ لیٹس پر دستیاب ہونگے۔ کراچی کے چھ اضلاع میں 26 مقامات پر آج چار بجے ٹکٹس فروخت ہوں گے۔
کراچی میں چیمپیئنز ٹرافی کے تین میچز کھیلے جائیں گے.نیشنل اسٹیڈیم کے میچز کے ٹکٹس کی قیمتیں ایک ہزار سے پچیس ہزار روپے مقرر ہے۔ کراچی میں انیس فروری کو میگا ایونٹ کے پہلے میچ میں پاکستان اور نیوزی لینڈ کے درمیان مقابلہ ہوگا۔ پہلے میچ کے لیے جنرل انکلوژرز کے ٹکٹ دو ہزار روپے میں فروخت ہوگا۔
فرسٹ کلاس انکلوژرز چار ہزار اور پریمیئم انکلوژرز کے ٹکٹس سات ہزار میں فروخت ہونگے۔ وی آئی پی انکلوژرز بارہ ہزار، وی وی آئی پی بیس ہزار اور گیلری کا ٹکٹ بچیس ہزار میں فروخت ہوگا۔کراچی میں دوسرے اور تیسرے میچز کے ٹکٹس کی قیمت ایک ہزار سے 18 ہزار تک مقرر ہے۔ نیشنل اسٹیڈیم میں اکیس فروری کو جنوبی افریقہ اور افغانستان کے درمیان مقابلہ ہوگا۔ یکم مارچ کو جنوبی افریقہ اور انگلینڈ کی ٹیمیں آمنے سامنے ہون گی۔ چیمپئنز ٹرافی کے میچز انیس فروری سے نو مارچ تک کھیلے جائینگے.
