فیس بک نے پیسے کمانیکے خواہمشندوں کو بڑی خوشخبری سنا دی
فیسبک دنیا کی مقبول ترین سوشل میڈیا سروس ہے جس کے ماہانہ صارفین کی تعداد تین ارب سے زائد ہے لیکن اب فیس بک آن لائن پیسے کمانے کا بہترین ذریعہ بھی بن چکا ہے ۔تفصیلات کے مطابق درحقیقت متعدد افراد فیس بک کے ذریعے اضافی آمدنی حاصل کرتے ہیں۔ اب میٹا نے فیس بک صارفین کو کمانے کا ایک نیا ذریعہ فراہم کر دیا ہے
۔کمپنی کیجانب سے ایک نیا فیچر متعارف کرایا گیا ہے جسکے ذریعے صارفین فیس بک پر affiliate لنکس کے ذریعے زیادہ آسانی سے پیسے کما سکیں گے۔اس فیچر کے تحت affiliate لنکس کو پوسٹس بشمول ریلز، فوٹوز، ویڈیوز اور ٹیکسٹ وغیرہ میں زیادہ نمایاں کیا جائیگا۔اس اپ ڈیٹ کا بنیادی مقصد یہی ہے کہ صارفین کو کمپنیوں کیساتھ شراکت داری کا بہتر موقع مل سکے اور ان کیلیے کمانے کے مواقع بڑھ جائیں۔اس سے قبل affiliate لنکس میں صرف کیپشنز میں یو آر ایل ڈسپلے ہوتا تھا۔مگر نئی اپ ڈیٹ سے صارف کو زیادہ مؤثر طریقے سے ان لنکس کو استعمال کرنیکا موقع ملے گا
جس سے انگیج منٹ اور سیلز میں اضافہ ہوگا یا کم از کم میٹا کو یہی توقع ہے۔میٹا کی جانب سے affiliate لنکس کے لیے ایک آٹو ڈیٹیکشن سسٹم بھی متعارف کرایا جا رہا ہے مگر یہ فیچر فی الحال محدود ڈومینز کیلیے ہوگا۔جب یہ سسٹم مخصوص ڈومین یا ویب لنک کو شناخت کریگا تو صارف کو پیڈ پارٹنر شپ لیبل استعمال کرنے کا مشورہ دیا جائیگا جب کہ لنک کی تفصیلات بھی پراڈکٹ لنک کیساتھ ایڈ کی جائینگی۔میٹا کیجانب سے یہ فیچرز دنیا بھر میں فیس بک پیجز اور پروفیشنل پروفائلز کیلیے متعارف کرائے جا رہے ہیں۔
