شہریوں کے 4سوملین سے زائد قرضے معاف
متحدہ عرب امارات کے صدر شیخ محمد بن زاید آل نھیان اور نائب صدر و وزیر اعظم شیخ منصور بن زاید آل نھیان نے 12سو77 اماراتی شہریوں کے قرض معاف کرنے کی منظوری جاری کردی ہے۔اماراتی نیوز ایجنسی ’وام‘ کے مطابق ابوظبی حکومت نے ریلیف فنڈ اور مختلف بینکوں کے تعاون سے ضرورت مند اماراتی شہریوں کے 4سو ایک ملین سے زائد قرضوں کو معاف کرنے کیلئے اٹھارہ بینکوں کو ہدایات جاری کی ہیں۔ریلیف فنڈ کمیٹی کے سربراہ اور وزیر مملکت جبرمحمد غانم کا کہنا ہے’ حکومت کی جانب سے متاثرہ شہریوں کی مدد اور انھیں مشکل سے نکالنے کیلیے یہ اقدام کیا گیا ہے تاکہ شہریوں پر عائد بوجھ کو کم کیا جاسکے۔‘یہ اقدام شہریوں کی زندگیوں اور معاملات کو آسان بنانے کیلیے دانشمندانہ قیادت کے وژن کی ترجمانی کرتا ہے۔
