پاکستان میں آج رواں سال کا آخری سپر مون کس وقت عروج پر ہوگا؟
پاکستان میں آج رواں سال کا آخری سپر مون دیکھا جائیگا، سپر مون کے دوران چاند معمول سے چودہ فی صد بڑا اور تیس فیصد زیادہ روشن نظر آتا ہے۔ماہر فلکیات ڈاکٹرجاوید اقبال نے بتایا کہ پاکستانی وقت کے مطابق رات دو بج کر 28 منٹ پر سپر مون اپنے عروج پر دیکھا جاسکے گا۔ڈاکٹرجاوید اقبال نے بتایا کہ سپرمون اس وقت ہوتا ہے جب چاند اپنے مدار میں زمین کے قریب ترین فاصلے پر آجاتا ہے، سپرمون کے دوران زمین اور چاند کا فاصلہ کم ہو جاتا ہے۔
