آئی فون کی ”16 سیریز“ قسطوں پر دستیاب، صارفین کیلئے خوشخبری
ایپل کمپنی نے اپنے صارفین کی آسانی کیلئے آئی فون کی ”16 سیریز“ خریدنے کے لیے آسان قسطوں کی سہولت بھی متعارف کروا دی۔ ایپل کے آئی فون کی ”16 سیریز“ کا باقاعدہ اعلان کردیا گیا ہے، جس میں آئی فون 16، 16 پلس، 16 پرو، اور 16 پرو میکس شامل ہیں۔ ایپل نے یکمشت قیمت ادا نہ کرنے والوں کیلئے آسان قسطوں کی سہولت بھی متعارف کروا دی ہے۔یہ فونز نمایاں طور پر بہتر اے 18/ اے 18 پرو تھری نینو میٹر چپ سیٹ کے ساتھ جنریٹو اے آئی خصوصیات، بہتر فوٹو گرافی اور بہت سے دیگر زبردست فیچرز سے لیس ہیں۔
قسطوں کی مدت
صارفین کے لیے 12، 18، یا 24 ماہ کی قسطوں کی سہولت فراہم کی گئی ہے۔
پیشگی رقم
بعض صورتوں میں ایک چھوٹی پیشگی رقم کی ضرورت ہو سکتی ہے۔
شرح سود
قسطوں پر شرح سود مختلف ہو سکتی ہے، جو قرض دہندہ کی پالیسیوں پر منحصر ہے۔ کچھ پروگراموں میں صفر فیصد سود بھی ہو سکتا ہے۔واضح رہے کہ یہ معلومات مارکیٹ میں دستیاب مختلف پیشکشوں کے مطابق مختلف ہو سکتی ہیں، اس لیے خریداری سے پہلے مقامی ڈیلرز یا ایپل کی ویب سائٹ سے تصدیق کرنا بہتر ہے۔
