یااللہ خیر، سیارچہ زمین کی طرف بڑھنے لگا ، آج قریب سےگزریگا
ناسا ںے ایک سٹیڈیم کے سائز جتنے بڑے سیارچے کے بارے میں خبردار کیا ہے، جو آج (منگل) کو زمین کے قریب سے گزریگا.امریکی خلائی ایجنسی کی جیٹ پروپلشن لیبارٹری کے مطابق 2024 اون سیارچہ 290 میٹر (950 فٹ) چوڑا ہے اور زمین سے دس لاکھ کلومیٹر قریب سے گزریگا. ناسا کے ڈیٹا کے مطابق خلا کا یہ پتھر آخری بار 2013 میں زمین کے قریب سے گزرا تھا اور 2035 میں دوبارہ اس کے قریب سے گزریگا.یہ سیارچہ پہلی بار ناسا کے نیئر ارتھ آبجیکٹ (این ای او) مشاہدات پروگرام کے ذریعے دیکھا گیا تھا، جو دنیا بھر میں موجود آبزر ویٹریز کا استعمال کرتے ہوئے غیر دریافت شدہ این ای اوز کا پتہ لگاتا ہے۔اسکو ورچوئل ٹیلی سکوپ پروجیکٹ کے ذریعے ٹریک کیا جا رہا ہے، جس نے نو ستمبر کو ’ممکنہ طور پر خطرناک‘ سیارچے کی تصویر لی، جو تقریباً چالیس ہزار کلومیٹر فی گھنٹہ کی رفتار سے سفر کر رہا تھا۔
