پاکستان نے اپنا پہلا خودساختہ سیٹلائٹ خلا میں بھیج دیا
پاکستان کا مقامی سطح پر تیار کردہ پہلا سیٹلائٹ “ای او 1” کامیابی کے ساتھ خلا میں بھیج دیا گیا۔ چینی میڈیا نے اس کی تصدیق کی ہے کہ یہ سیٹلائٹ چین کے جی چھوان سیٹلائٹ لانچ سینٹر سے خلا میں روانہ کیا گیا۔ سپارکو کے ترجمان کے مطابق، یہ سیٹلائٹ پاکستان کی خلا میں ترقی کی جانب ایک اہم قدم ہے۔ “ای او 1” سیٹلائٹ کا مقصد ڈیزاسٹر ریسپانس، زراعت اور شہری منصوبہ بندی میں مدد فراہم کرنا ہے۔ مزید یہ کہ سیٹلائٹ کا استعمال فوڈ سکیورٹی اور واٹر مینجمنٹ میں بھی کیا جائے گا،
اور یہ ملک بھر میں قدرتی وسائل کی نگرانی کے عمل کو بہتر بنائے گا۔ اس مشن کے ذریعے پاکستان اپنے مقامی خلا کی ٹیکنالوجی میں ترقی کر رہا ہے اور اپنی خودمختاری میں ایک نیا سنگ میل عبور کر رہا ہے۔
