ارشد ندیم کو ٹوٹل کتنی انعامی رقم مل گئی؟اہم خبرآگئی
پیرس اولمپکس 2024 میں گولڈ میڈل حاصل کرنیوالے پاکستانی ایتھلیٹ ارشد ندیم کیلیے پاکستانی حکومت اور دیگر اداروں کی طرف سے انعامات کی بارش کردی گئی ہے۔
اولمپکس میں چالیس سال بعد پاکستان کو میڈل جتوانیوالے ارشد ندیم کیلئے وفاقی، صوبائی حکومتوں، اداکاروں سمیت کئی شخصیات اور اداروں نے انعامات دینے کا اعلان کیا ہے۔ اسی کے ساتھ ساتھ اسپانسرز کی بڑی تعداد بھی ارشد کے ساتھ کام کرنے کی خواہش مند ہیں۔ارشد ندیم کے گولڈ میڈل حاصل کرنے پر سب سے بڑا اعلان حکومت پنجاب کی طرف سے کی گیا ہے۔ وزیراعلیٰ مریم نواز پاکستانی ایتھلیٹ کو دس کروڑ روپے بطور انعام دیگی.سندھ حکومت نے بھی ارشد ندیم کی حوصلہ افزائی کیئے 5 کروڑ روپے انعام دینے کا اعلان کیا ہے۔
گورنر سندھ کامران ٹیسوری اور گورنر پنجاب سردار سلیم حیدر خان نے اولمپئین ارشد ندیم کیلئے بیس بیس لاکھ روپے انعام کا اعلان کیا ہے۔اسی طرح انٹرنیشنل ایسوسی ایشن آف ایتھلیٹکس فیڈریشنز نے ارشد ندیم کیلیے پیرس 2024 میں گولڈ میڈل جیتنے پر 50 ہزار ڈالر انعام کا اعلان کیا ہے۔ یہ انعامی رقم اولمپکس میں گولڈ میڈل جیتنے والے ہر ایتھلیٹ کو ملے گی۔پاکستانی شوبز انڈسٹری اور کرکٹرز کی بات کی جائے تو گلوکار علی ظفر نے 10 لاکھ جبکہ کرکٹر احمد شہزاد نے بھی 10 لاکھ دینے کا اعلان کر رکھا ہے۔ نجی ٹی وی چینل نے بھی ارشد ندیم 10 لاکھ کا اعلان کیا ہے۔
