برازیل کے شہر ساؤ پاؤلو کے قریب 1 طیارہ گر کر تباہ ہو گیا، جس میں سوار تمام 62 افراد موت کے گھاٹ اتر گئے .غیر ملکی خبر رساں ادارے ’رائٹرز‘ کے مطابق سوشل میڈیا پر شیئر کی گئی ویڈیو میں دیکھا جاسکتا ہے کہ اے ٹی آر ساختہ طیارہ بے قابو ہو کر گھومتا ہوا گھروں کے قریب درختوں کے جھرمٹ کے پیچھے جا گرا اور اسکے بعد کالے دھوئیں کا ایک بڑا بادل اٹھا۔
شہری حکام نے بتایا کہ کوئی بھی زندہ نہیں بچا اور مقامی کنڈومینیم کمپلیکس میں صرف ایک گھر کو نقصان پہنچا تاہم تمام رہائشی محفوظ رہے۔صدر لوئیز اناسیو لولا دا سلوا نے حادثے کے فوراً بعد 1 تقریب سے خطاب کرتے ہوئے حادثے میں مرنے والوں کیلئے 1 منٹ کی خاموشی اختیار کرنے کا کہا۔
ایئر لائن وویپاس نے کہا کہ طیارے نے ریاست پارانا کے کاسکاویل سے ساؤ پالو کے ہوائی اڈے کیلئے اڑان بھری تھی، وہ ساؤ پالو کے شمال مغرب میں تقریباً اسی(80) کلومیٹر کے فاصلے پر ونہیڈو قصبے میں گر کر تباہ ہو گیا۔حادثے کے چند منٹ بعد ساؤ پالو کے فائر بریگیڈ نے کہا کہ عملے کےساتھ ارکان کو فوری طور جائے حادثہ روانہ کر دیا ہے۔ایئرلائن نے کہا کہ وہ اس بارے میں مزید معلومات فراہم نہیں کر سکتے کہ جہاز کے کریش ہونیکی وجہ کیا تھی۔طیارے کو فلائٹ ٹریکر ’فلائٹ ریڈار24‘ نے اے ٹی آر 72-500 ٹربوپروپ کے طور پر درج کیا تھا، اے ٹی آر مشترکہ طور پر ایئربس اور اطالوی ایرو اسپیس گروپ لیونارڈو کی ملکیت ہے۔
