پیرس اولمپکس میں آسٹریلین ہاکی ٹیم کے ایک کھلاڑی کو گرفتار کر لیا گیا ہے۔ آسٹریلین اولمپکس کمیٹی نے ایک کھلاڑی کی گرفتاری کی تصدیق کی ہے مگر اب تک اس کی شناخت ظاہر نہیں کی گئی۔
ایک فرانسیسی رپورٹر کے مطابق، کھلاڑی کو کوکین خریدنے کے الزام میں گرفتار کیا گیا ہے۔ 19 سالہ کوکین فروش اور 28 سالہ آسٹریلوی خریدار پیرس میں گرفتار ہوئے۔
پبلک پراسیکیوٹر کا کہنا ہے کہ خریدار آسٹریلین ہاکی ٹیم کا ممبر ہے۔ آسٹریلوی میڈیا کے مطابق گرفتار کھلاڑی ٹیم کے اسٹرائیکر ٹام کریگ ہیں۔
یاد رہے کہ آسٹریلین ہاکی ٹیم کو پیرس اولمپکس کے کوارٹر فائنل میں شکست ہوئی تھی اور ٹام کریگ 2021 کے اولمپکس میں سلور میڈلسٹ ٹیم کا بھی حصہ تھے۔
