پاکستان سے کینیڈا جانیوالی پروازوں سے متعلق بڑی خبر آگئی
ملک کے مختلف ایئرپورٹس کی سکیورٹی آڈٹ کے سلسلے میں ٹرانسپورٹ کینیڈا کا سکیورٹی وفد چودہ جولائی کو کراچی پہنچ جائیگا.مزید تفصیلات کے مطابق ٹرانسپورٹ کینیڈا کا ایک سیکیورٹی وفد 14 جولائی کو کراچی آ رہا ہے، جو پاکستان سے براہ راست کینیڈا جانے والی پروازوں کی مکمل جانچ کریگا.اسلام آباد ،کراچی اور لاہور ایئرپورٹ پر ایوی ایشن کے مختلف سکیورٹی شعبوں کی جانچ پڑتال کی جائیگی، ٹیم سکیورٹی امور میں سامان کی اسکریننگ، کارگو اور کیٹرنگ ،مسافروں کی سکیورٹی کا جائزہ لیگا.سی اے اے ذرائع کا کہنا ہے کہ سول ایوی ایشن اور دیگر متعلقہ ادارے کینیڈین ٹیم کو مختلف شعبوں سے متعلق بریفنگ بھی دینگے .ٹرانسپورٹ کینیڈا کی ٹیم سیکیورٹی ایکسس، ، ہوائی جہاز کی سیکیورٹی، رسائی کنٹرول جبکہ دیگر متعلقہ طریقہ کار کی بھی جانچ ہڑتال کریگا.
