امریکا سے کراچی آنے والی خاتون کو ڈاکوؤں نے لوٹ لیا
کراچی کمیں ڈکیتی کی وارداتیں ہوئی ہیں۔ حال ہی میں امریکہ سے واپس آنے والی خاتون کو لوٹ لیا گیا، پولیس نے پانچ مشتبہ ڈاکوؤں کو حراست میں لے لیا ہے۔ واقعے کے دوران فائرنگ سے شہری اور اہلکار دونوں زخمی ہوگئے۔ واقعہ کراچی کے پرانے علاقے میں پیش آیا۔ شہر کے ایک اور علاقے میں نامعلوم مسلح افراد نے ایک شہری کو گولی مار کر شدید زخمی کر دیا۔ پولیس نے جائے وقوعہ پر پہنچ کر زخمی کو طبی امداد کے لیے قریبی اسپتال منتقل کیا۔ پولیس نے ملزمان کی تلاش شروع کر دی ہے۔
کراچی کے علاقے نارتھ ناظم آباد بلاک جی میں بیٹی کے ہمراہ امریکہ سے واپس آنے والی خاتون کو مسلح ڈاکوؤں نے لوٹ لیا۔ متاثرہ کے شوہر نے پولیس میں شکایت درج کرائی ہے، اور حیدری پولیس اسٹیشن میں ڈکیتی کا مقدمہ درج کیا گیا ہے۔ ایف آئی آر کے مطابق خاتون اپنی بیٹی سے ملاقات کے بعد رات گئے امریکہ سے کراچی پہنچی۔ ملزمان نے ایئرپورٹ سے ان کا پیچھا کیا اور حیدری کے قریب انہیں روک لیا۔ پولیس نے راہگیروں کو لوٹنے والے ملزمان کو گرفتار کر کے ان کے قبضے سے غیر قانونی پستول برآمد کر لیا۔ ملزمان اس سے قبل بھی متعدد بار گرفتار ہو چکے ہیں۔
کراچی کے علاقے چائنہ گوٹھ جیل چوک میں پولیس نے خفیہ اطلاع کی بنیاد پر اسٹریٹ کرائم میں ملوث دو ملزمان کو حراست میں لے لیا۔ ان کے قبضے سے دو پستول بمعہ ایمونیشن برآمد ہوئے، پولیس نے ان کے خلاف مقدمات درج کر کے تفتیش شروع کر دی ہے۔
فیڈرل بی انڈسٹریل ایریا میں پولیس کے ساتھ فائرنگ کے تبادلے کے دوران ایک زخمی ملزم کو گرفتار کر لیا گیا۔ ملزم اپنے تین سالہ بچے کو موٹر سائیکل پر بٹھا کر لے جاتا تھا، وائرل ہونے والی سی سی ٹی وی فوٹیج کی مدد سے اس کی شناخت ہوئی۔
حیدرآباد کے علاقے تھانہ سٹی میں بھی مبینہ پولیس مقابلہ ہوا جس کے دوران گولی لگنے سے ایک ملزم زخمی ہوگیا جسے حراست میں لے لیا گیا۔ فائرنگ سے ایک پولیس اہلکار بھی زخمی ہوا۔ ملزم کی شناخت باقر علی پنہور کے نام سے ہوئی ہے۔ حیدرآباد پولیس نے موٹرسائیکل پر سوار دو مشتبہ افراد کو رکنے کا اشارہ کیا لیکن انہوں نے گرفتاری کے خوف سے پولیس پر فائرنگ کردی۔ گرفتار ملزم متعدد وارداتوں میں ملوث تھا۔
