کراچی: نیا ناظم آباد کے گھر پر بجلی گر گئی
کراچی میں ایک گھر پر آسمانی بجلی گر گئی، بجلی گرنے کے وقت خوفناک دھماکا بھی سنا گیا، گھر کو شدید نقصان، شہریوں میں خوف وہراس پھیل گیا۔کراچی کے علاقے نیا ناظم آباد میں گھر پر آسمانی بجلی گر گئی، بجلی گرنے سے گھر کی چھت اور دیواروں میں دراڑیں پڑ گئیں۔بجلی گرنے کے وقت خوفناک دھماکا بھی سنا گیا، جس کے باعث لوگ گھروں سے باہر نکل آئے: نیا ناظم آباد میں آسمانی بجلی گرنے کے باعث گھر کی چھت اور دیواروں کو نقصان پہنچا تاہم کوئی جانی نقصان نہیں ہوا۔
اتوار کو شہر میں ہونے والی بارش کے دوران نیا ناظم آباد میں رہائش پذیر فیروز الدین نامی شہری کے گھر پر آسمانی بجلی گرگئی جس کے باعث گھر کوجزوی نقصان پہنچا۔آسمانی بجلی گرنے سے گھر کی چھت اور دیواروں میں دراڑیں پڑگئیں اور بجلی گرنے کے بعد خوفناک آواز اوردھماکے کے باعث لوگ گھروں سے باہر نکل آئے۔شہری کے مطابق آسمانی بجلی گرنے کے باعث گھر کے چھجے کو نقصان پہنچا اور گھر میں لگے بجلی کے 2 میٹر گر گئے،واقعہ کے بعد پولیس بھی موقع پر پہنچی، خوش قسمتی سے کوئی جانی نقصان نہیں ہوا۔
