27 فروری، پاکستان کی فضائی برتری کا تاریخی دن
27 فروری 2019 کا سورج پاکستان کیلئے فتح کی نوید لیکر طلوع ہوا تھا۔26 فروری کو بھارت کیجانب سے سرجیکل اسٹرائیک کا ڈرامہ رچایا گیا۔ سرجیکل اسٹرائیک کا پاک فضائیہ نے آپریشن سوئفٹ ریٹارٹ کے ذریعے مؤثر جواب دیا ۔کشمیری باشندے اپنے تاثرات بیان کر رہے ہیں۔
اس حوالے سے آزاد کشمیر کے شہریوں نے آنکھوں دیکھا حال سناتے ہوئے کہا کہ ستائیس فروری کو جو واقعہ رونما ہوا وہ پاکستان کی بہت بڑی جیت تھی۔ایک شہری نے کہا کہ پاکستانی افواج نے دنیا کو پیغام دیا تھا کہ ہم اپنے وطن کا دفاع کرنا جانتے ہیں۔کشمیری شہریوں نے کہا کہ ہم دنیا کو پیغام دیتے ہیں کہ پاک فوج اور پاک فضائیہ دنیا کی سب سے بہادر اور مضبوط فورسز ہیں۔
ایک شہری نے کہا کہ پاکستانی افواج اپنے وطن کے ایک ایک چپے کا دفاع کرنا جانتی ہیں۔شہریوں نے اس عزم کا اعادہ کیا کہ وہ اپنی پاک افواج کیساتھ ہمیشہ شانہ بشانہ کھڑے ہیں اور رہینگے اور اگر کبھی بھارت نے دوبارہ ایسی حرکت کی تو ہم انکو منہ توڑ جواب دینگےکشمیری شہریوں نے کہا کہ بھارت ستائیس فروری کے واقعے کی طرح دوبارہ ایسا کوئی قدم اٹھانیکی جرآت تک نہیں کریگا.
ایک شہری نے بتایا کہ ستائیس فروری 2019 کی صبح میں یہان موجود تھا کہ ایک طیارہ زمین بوس ہوا اور پائلٹ بھی زمین پر گرا تو ہم اس جانب چلے گئے۔انھوں نے کہا کہ جب ہم پائلٹ کیجانب بڑھے تو اس نے بھاگنا شروع کردیا اور بالکل قریب جا کر ہم نے دیکھا تو اس کا badge بھارت کا تھا۔
ہم نے اسکو پکڑا اور اسی دوران پاک آرمی کے جوان آگئے اور انھوں نے پائلٹ کو گرفتار کر لیا۔شہری نے کہا کہ ہمیں بہت خوشی ہوئی کہ بھارت کا طیارہ گر کر تباہ ہوا۔ ہمیں اپنی فوج پر بہت فخر ہے، وہ بارڈر پر ڈیوٹی دیتے ہیں تو ہم سکون کی نیند سوتے ہیں۔ ہمیں معلوم ہے کہ ہماری فوج جنگ سے پیچھے نھیں ہٹے گی۔کشمیری شہریوں نے کہا کہ ہم ہمیشہ پاک فوج کے شانہ بشانہ کھڑے رہیںگے اور خون کے آخری قطرے تک پاک فوج کا ساتھ دینگے.
ایک اور شہری نے بتایا کہ ستائیس فروری 2019 کو صبح کے وقت ہمیں ایک زوردار دھماکے کی آواز آئی اور کچھ دیر بعد ہم نے دیکھا تو ایک طیارہ گر کر تباہ ہوچکا ہے۔ایک شہری نے کہا کہ پاک فضائیہ کیجانب سے دشمن کا طیارہ مار گرائے جانے پر ہمیں بہت خوشی ہوئی۔شہری نے بتایا کہ کچھ ہی دیر بعد پاک آرمی کے جوان پہنچے اور بھارتی پائلٹ کو اپنے ساتھ لے گئے۔واضح رہے کہ انڈیا کی پاکستان کے ہاتھوں ہزیمت کو چھ سال ہو چکے ہیں مگر پاکستانی عوام کے ذہنوں میں آج بھی پاک فضائیہ کا کارنامہ محفوظ ہے۔
