رمضان میں صارفین کو کن اوقات میں گیس دستیاب ہوگی؟
SSGC نے رمضان المبارک کے دوران گیس کی لوڈ شیڈنگ کے اوقات کار جاری کردئیے۔SSGC کے ترجمان کے مطابق رمضان المبارک میں گیس کی دستیابی کے اوقات جاری کردیئے گئے ہیں جسکے تحت صارفین کو افطار اور سحری کے اوقات میں بلا تعطل گیس فراہم کی جائیگی۔ترجمان نے کہا کہ سہ پہر ساڑھے تین بجے سے رات دس بجے تک گیس کی فراہمی جاری رہیگی۔
اسی طرح رات تین بجے سے صبح نو بجے تک گیس کی فراہمی جاری رہیگی۔ترجمان نے بتایا کہ SSGC کے صارفین کو صبح نو بجے سے سہ پہر ساڑھے تین بجے تک گیس کی سپلائی بند رہیگی اور رات دس بجے سے رات تین بجے تک بھی گیس کی فراہمی معطل رہیگی۔
