پاکستان آئی امریکی خاتون کا حیران کن مطالبہ
پاکستانی نوجوان کی محبت میں گرفتار ہوکر کراچی پہنچنے والی امریکی خاتون اونیجا اینڈریورابنس نے سوال پوچھنے پر میڈیا سے ہزاروں ڈالرز مانگ لئے،سوشل میڈیا پر ایک ویڈیو وائرل ہو رہی ہے جس میں ایک صحافی خاتون سے پوچھتا ہے کہ وہ پاکستان کب اور کیوں آئیں؟ جس پر خاتون کہتی ہیں کہ وہ بتا چکی ہیں۔ ساتھ ہی خاتون نے صحافی سے کہا کہ اگر ان سے بات کرنی ہے تو پانچ ہزار امریکی ڈالرز دئیے جائیں تب ہی وہ بات کرینگی.خیال رہے کہ اونیجا اینڈریورابنس نامی خاتون کو کراچی کے رہائشی انیس سالہ ندال میمن سے محبت ہوگئی تھی۔
یہ خاتون سوشل میڈیا پر محبت میں مبتلا ہوئی تھیں۔ خاتون کا تعلق امریکہ کی ریاست نیویارک سے ہے۔ اسکی عمر 33 برس بتائی جارہی ہے۔ جو پہلے سے شادی شدہ اور دو بچوں کی ماں ہے۔والدین کی ناراضی پر نوجوان اس خاتون کو چکمہ دیکر غائب ہوا تو خاتون جو رقم لائی تھی اسکی مدد سے کچھ دن گزارے اور پھر دربدر ہوگئی۔
ذرائع کے مطابق انیس سالہ نوجوان شادی کیلئے راضی تھا تاہم گھر والوں نے امریکی خاتون سے شادی سے انکار کردیا۔ اس سے قبل خاتون کو امریکہ واپسی کیلئے ایئرپورٹ لے جایا گیا تھا تاہم اس نے واپس جانے سے انکار کردیا تھا۔
