پاکستان کی 47 یونیورسٹیاں عالمی رینکنگ میں شامل
ٹائمز ہائر ایجوکیشن نے دنیا کی بہترین یونیورسٹیز کی سال 24-2025 کی رینکنگ جاری کردی۔ٹائمز ہائر ایجوکیشن کے مطابق آکسفورڈ یونیورسٹی مسلسل نو ویں سال دنیا کی بہترین یونیورسٹی قرار پائی اور چین کی دو یونیورسٹیز ایشیا کی بہترین یونیورسٹیوں کے درجے پر رہیں جب کہ پاکستان کی 47 یونیورسٹیاں رینکنگ کا حصہ ہیں۔ٹائمز ہائر ایجوکیشن کے مطابق قائداعظم یونیورسٹی دنیا میں 401 سے 5سو کی رینکنگ اور ایشیا کی رینکنگ میں1 سو21 نمبر پر ہے،
نسٹ یونیورسٹی ایشیا میں 1سو52، کامسیٹس 1سو57، ایئریونیورسٹی، کامسیٹس، گورنمنٹ کالج یونیورسٹی فیصل آباد601 سے8سو کی رینکنگ میں ہیں۔سکھر آئی بی اے، یو ای ٹی ٹیکسلا اور مالاکنڈ یونیورسٹی بھی 601 سے8سو کے درمیان ہے جبکہ بین الاقوامی اسلامی یونیورسٹی، لمز اور عبدالولی خان یونیورسٹی مردان 801 سے ایک ہزار کے درمیان رینک ہوئیں۔ٹائمر ہائر ایجوکیشن کے مطابق پاکستان کی بارہ یونیورسٹیز 1001 سے 12سو کے درمیان رینک کی گئیں۔
رینکنگ میں 1سو115 ممالک سے دو ہزار یونیورسٹیوں کو رینک کیا گیا ہے جبکہ رینکنگ تعلیمی اور تحقیقی معیار، بین الاقوامی معیارات اور کارکردگی کی بنا پر کی گئی ہے۔ٹائمز ہائر ایجوکیشن نے مزید بتایا کہ پاکستان کی 48 یونیورسٹیوں کو ’رپورٹرز‘ کیٹیگری میں رکھا گیا ہے، رپورٹرز کیٹیگری کی یونیورسٹیوں نے اعداد و شمار مکمل جمع نھیں کرائے۔
