اسلام آباد: فائرنگ سے ٹریفک اہلکار شہید
اسلام آباد کے سیکٹر آئی نائن میں رات گئے نامعلوم موٹرسائیکل سواروں نے فائرنگ کرکے ٹریفک پولیس اہلکار کو شھید کردیا اورفرار ہوگئے۔ترجمان وفاقی پولیس کے مطابق ٹریف پولیس کے کانسٹیبل زبیر گولی لگنے سے موقع پر شھید ہوگئے۔ جائے وقوعہ سے شواہد جمع کرکے تحقیقات شروع کردی گئی۔
ملزمان کی گرفتاری کیلیے مختلف علاقوں میں سرچ آپریشن کیا جا رہا ہے ۔ ملزمان کی گرفتاری کیلیے خصوصی ٹیمیں چھاپے مار رہی ہیں۔وفاقی وزیر داخلہ محسن نقوی نے شھید اہلکار کو خراج عقیدت پیش کرتے ہوئے لواحقین سے دلی ہمدردی و تعزیت کا اظھار کیا ہے، اپنے بیان میں کہا دکھ کی گھڑی میں سوگوار خاندان کیساتھ کھڑے ہیں، انکی مکمل دیکھ بھال کی جائیگی.اور انصاف کی فراہمی یقینی بنائی جائیگی.وزیر داخلہ نے فائرنگ کرنیوالے ملزمان کو فوری طور پر قانون کی گرفت میں لانیکی ہدایت بھی کردی۔
