وزیراعظم کل پانچ سالہ منصوبہ اڑان پاکستان کا اعلان کرینگے
پرائم منسٹر شہباز شریف کل (31) دسمبر کو قومی اقتصادی تبدیلی منصوبہ 29-2024 کا اعلان کرینگے.وزارت منصوبہ بندی کے مطابق اُڑان پاکستان 5 سالہ قومی اقتصادی منصوبہ ہوگا اور اس میں 2024 سے 2029 تک کا احاطہ کیا جائیگا.یہ منصوبہ سرکاری اور نجی شعبوں سمیت تمام اسٹیک ہولڈرز کی قابل قدر رائے پر مبنی ہے اور اس کا مقصد پاکستان کو پائیدار ترقی کی راہ پر گامزن کرنا ہے۔این ای ٹی پی جو (1) ایکسپورٹ کے 5 ای فریم ورک پر مبنی ہے۔
(2) ای پاکستان۔ (3) ماحولیات اورموسمیاتی تبدیلی (4) توانائی اور بنیادی ڈھانچہ اور (5) مساوات، اخلاقیات اور بااختیاری، 13 ویں پانچ سالہ منصوبہ (2024-29) کی بنیاد ہوگی۔ذرائع کے مطابق وفاقی حکومت اس پروگرام کے تحت 2029 تک برآمدات کو ساٹھ ارب ڈالر سالانہ تک بڑھائیگی اور پروگرام کے تحت آئی ٹی گریجویٹس کی تعداد میں سالانہ ہزاروں کا اضافہ کیا جائیگا.زرائع کا کہنا ہے کہ اُڑان پاکستان کے ذریعے پاکستان کو 2ہزار25 تک1000ارب ڈالر کی معیشت کی بنیاد فراہم کرنا ہے اور اس پروگرام کے تحت شرح خواندگی کو فروغ دیا جائیگا اور غربت میں کمی لائی جائیگی۔ انہوں نے کہا کہ اس پروگرام میں آئی ٹی برآمدات کو خصوصی اہمیت دی گئی ہے۔
