کیا آپ جانتے ہیںحکومت پاکستان، عوام کے لیے کیا کر رہی ہے ؟ اگر نہیں تو توار پاکستان اس خبر میں آپ کو بتائے گا کہ حکومت پاکستان، پاکستانی نوجوانوں کے لیے کیا کیا اقدامات کر وہی ہے –
آج وزیراعظم محمد شہباز شریف ڈی ایٹ ممالک کے گیارہویں سربراہی اجلاس سے خطاب کر رہے تھے. اس اجلاس کا موضوع ’’نوجوانوں میں سرمایہ کاری اور ایس ایم ایز کو سپورٹ کرنا: کل کی معیشت کی تشکیل‘‘ہے۔
سب سے پہلے شہباز شریف نےڈی ایٹ سربراہی اجلاس کی میزبانی پر مصری حکومت اور اس کی قیادت کو مبارکباد پیش کی.
وزیراعظم نے کہا کہ نوجوان اور چھوٹے اور درمیانے درجے کے کاروبار، معاشی ترقی کے کلیدی محرک ہیں. انھوں نے کہا کہ نوجوان توانائی، نئے خیالات، اور تخلیقی صلاحیتوں سے بھرپور ہیں .
حکومت پاکستان ایسے مواقع پیدا کر رہی ہے جن سے چھوٹے کاروبار میں نئے مواقع پیدا ہوں. وزیر اعظم نے کہا کہ ایس ایم ایز ملازمتیں پیدا کرتے ہیں، اختراع کو فروغ دیتے ہیں مقامی کاروبار کو فروغ دیتے ہیں.
انھوں نے اس خواہش کا اظہار بھی کیا کہ ڈی ایٹ رکن ممالک کے لیے، نوجوانوں کو بااختیار بنانا انتہائی اہمیت کا حامل ہے.
وزیراعظم پاکستان نے کہا اس سال کے سمٹ کا تھیم، “نوجوانوں میں سرمایہ کاری، چھوٹے اور درمیانے درجے کے کاروباری اداروں کے رجحان کا فروغ” دراصل 21ویں صدی میں ہماری اجتماعی خوشحالی کے لیے بلیو پرنٹ ہے.
پاکستان کے نوجوانوں میں سرمایہ کاری اور چھوٹے اور درمیانے درجے کے کاروباروں کی جانب رجحان کا فروغ ہماری سماجی و اقتصادی ترقی کے لیے انتہائی اہمیت کا حامل ہے.
انھوں نے بتایا کہ پاکستان کی آبادی کے 60% سے زیادہ حصہ 30 سال سے کم عمر افراد پر مشتمل ہے جو کہ جدت اور ترقی میں اہم کردار ادا کر سکتے ہیں.
1. یوتھ پروگرام
ڈی ایٹ ممالک کو بتایا گیا کہ حکومت پاکستان اپنے فلیگ شپ یوتھ پروگرام کے ذریعے، معیاری تعلیم فراہم کرنے، روزگار کے مواقع پیدا کرنے اور پیداواری مواقع فراہم کرنے کے لیے پرعزم ہے.
2013 سے اب تک اس پروگرام کے ذریعے لائق اور قابل طالب علموں میں 600,000 سے زائد لیپ ٹاپس تقسیم کیے جا چکے ہیں اور ہزاروں اسکالرشپس دی گئی ہیں .
مصنوعی ذہانت کی تربیت
وزیراعظم نے کہا کہ لاکھوں نوجوانوں کومصنوعی ذہانت، ڈیٹا اینالیٹکس، اور سائبر سیکورٹی کے حوالے سے فنی تربیت فراہم کی گئی ہے.
فری لانسر کی کمیونٹیز م
وزیر اعظم نے یہ دعوی بھی کیا کہ پاکستان دنیا کی “سب سے بڑی فری لانسر کی کمیونٹیز” میں سے ایک ہے. ان کا کہنا تھا کہ “ہم آئی ٹی کے شعبے میں تربیت پر توجہ مرکوز کر رہے ہیں” تاکہ بڑے پیمانے پر اپنے نوجوانوں کو جدید صلاحیتوں سے آراستہ کر سکیں،” ڈیجیٹل دنیا کے ساتھ مزید بہتر طرح سے جڑ سکیں اور ملازمتوں کے مزید مواقع فراہم کئے جا سکیں” .
یوتھ بزنس اینڈ ایگریکلچر لون سکیم
وزیراعظم نے کہا کہ حکومت پاکستان نے یوتھ بزنس اینڈ ایگریکلچر لون سکیم کے ذریعے اربوں روپوں کے قرضے دیے ہیں، جس کا مقصد نوجوان پاکستانیوں اپنے پاؤں پر کھڑا کرنا ہے.
دیگر اقدامات
اجلاس کو آگاہ کیا گیا کہ اس کے علاوہ پاکستان کت نوجوانوں کے لیے دیگر اقدامات، جیسے کہ، اسٹارٹ اپ پاکستان اور نیشنل انوویشن ایوارڈز کا مقصد ایک امید افزا، اسٹارٹ اپ ماحول کو فروغ دینا اور انکیوبیشن کے مواقع فراہم کرنا ہے .
اس کے علاوہ وزیراعظم پاکستان نے گیارہواں ڈی ایٹ سمٹ ایس ایم ایز کے حوالے سے اشتراک کا ایک نادر موقع قرار دیا. انھوں نے کہا کہ پاکستانی کابینہ نے ڈی ایٹ رکن ممالک کے ساتھ ترجیحی تجارتی معاہدے کے ساتھ ساتھ اس کے پروٹوکول کے نفاذ کی بھی منظوری دے دی ہے.
