علی امین گنڈاپور نے حکومت کو خبردار کردیا
وزیراعلیٰ کے پی علی امین گنڈاپور نے کہا ہے کہ اگلی دفعہ ہم پُرامن والی بات نہیں کرینگے، جب ہم اسلحہ لے کر نکلیں گے تو دکھائینگے کہ کس میں کتنا دم ہے۔ علی امین گنڈاپور کا کہنا تھا کہ آج ہم فسطائیت اور فرعونیت کا مقابلہ کر رہے ہیں۔ فسطائیت نے پاکستان کے آئین،اخلاقیات، قانون، اور انسانیت کو روندا ہوا ہے،وقتی طاقت اور اختیار سے نظریے، حقیقی آزادی اور جنون کو دبانیوالے فرعون کا انجام پڑھ لیں۔علی امین کا کہنا تھا کہ عطا تارڑ ، خواجہ آصف اور دیگر لوگ نہتے لوگوں پر گولیاں برسانیکا دفاع کر رہے ہیں،
کبھی کہتے ہیں کوئی شھید نہیں ہوا، کوئی گولی نہیں چلی اور کبھی کہتے ہیں کہ کوئی زخمی نہیں ہوا۔وزیراعلیٰ نے کہا کہ اگلی دفعہ ہم پُرامن والی بات نہیں کرینگے،عمران خان خدا کا واسطہ ہے یہ پُرامن کا راگ چھوڑ دیں،ہم نکلیں گے اور پُرامن کے نعرے کے بغیر نکلینگےان کا کہنا تھا کہ پھر جب ہم اسلحہ لیکر نکلیں گے تو دکھائینگے کہ بھاگتا کون ہے، دکھائیںگے کہ کس میں کتنا دم ہے، کس میں کتنی جوان مردی ہے۔ ریاست کو ماں کا درجہ دیا گیا، ریاست قاتل بن کر اپنے لوگوں کو بغاوت پر مجبور کر رہی ہے۔
