کرم میں مسافر گاڑیوں پر فائرنگ سے دس افراد جاں بحق
کے پی کے ضلع کرم میں پاراچنار سے پشاور جانیوالی مسافر گاڑیوں پر فائرنگ سے دس افراد جاں بحق اوربیس زخمی ہوگئے۔پولیس کے مطابق ضلع کرم لوئر کے علاقے اوچت میں مسافر گاڑیوں پر نامعلوم مسلح افراد نےحملہ کیا ۔ گاڑیاں پاراچنار سے پشاور جارہی تھیں کہ قافلے میں شامل مسافر گاڑیوں کو پہاڑوں سے نشانہ بنایا گیا۔گاڑیوں پر خود کار ہتھیاروں سے شدید فائرنگ کی گئی۔ فائرنگ سے جاں بحق ہونیوالوں میں خاتون سمیت دس افراد شامل ہیں جب کہ اٹھارہ زخمی ہو گئے جنہیں ہسپتال منتقل کردیا گیا۔ زخمیوں میں سے متعدد کی حالت تشویش ناک بتائی جارہی ہے جس کے باعث ہلاکتوں میں اضافے کا خدشہ ہے۔سیکیورٹی حکام نے علاقے کی ناکہ بندی کرکے ملزمان کی تلاش شروع کردی ہے۔
