وزیراعظم کا قوم سے نماز استسقاء ادا کرنیکی اپیل
پرائم منسٹر شہبازشریف نے قوم سے باران رحمت کیلئے نمازاستسقا ادا کرنیکی اپیل کردی۔اپنے ایک بیان میں وزیراعظم نے کہا کہ علمائے کرام اور مشائخ عظام نماز استسقا کے اہتمام میں کردار ادا کریں۔
شہباز شریف نے کہا کہ بارش سے ماحول بہترہوگا اور بیماریوں سےنجات میں بڑی مدد مل سکتی ہے۔پرائم منسٹر نے کہا کہ وفاق اور صوبوں کے زیر اہتمام تمام مساجد میں نماز استسقا کا اہتمام کیا جائے، موجودہ صورتحال میں باران رحمت کی شدت سے ضرورت ہے۔اس سے قبل آج پنجاب میں محکمہ اوقاف کے زیر اہتمام مساجد میں باران رحمت کے لیے نماز استسقا ادا کی گئی۔اس حوالے سے سیکرٹری اوقاف نے کہا کہ کل نماز جمعہ کے بعد بھی صوبے بھر کی جامع مساجد میں نماز استسقا ادا کی جائےگی۔سیکرٹری اوقاف کا کہنا تھا کہ عالمی موسمیاتی تبدیلیوں سے پورا خطہ شدید متاثر ہوا ہے۔
