ملک بھر میں بارشیں،محکمہ موسمیات نے نویدسنادی
محکمہ موسمیات نے ملک کے چند شہروں میں گرج چمک کے ساتھ بارش کی پیش گوئی کر دی۔محکمہ موسمیات کے مطابق ملک کے بیشتر علاقوں میں موسم گرم اور مرطوب رہیگا تاہم رات کو کشمیر اور گرد و نواح میں تیزہواؤں اور گرج چمک کیساتھ چند مقامات پر بارش کا امکان ہے۔
محکمہ موسمیات کا کہنا ہے کہ اسلام آباد اور گرد و نواح میں موسم گرم اور مرطوب جب کہ رات میں مطلع جزوی ابر آلود رہنے کا امکان ہے۔پنجاب کے بیشتر اضلاع میں موسم گرم اور مرطوب رہیگا تاہم رات میں ، گجرات ،سیالکوٹ،مری، نارووال، گلیات اور گرد و نواح میں مطلع جزوی ابرآلود رہنے کے علاوہ تیز ہواؤں اورگرج چمک کیساتھ بارش ہونے کا امکان ہے۔موسم کا حال بتانے والوں کا کہنا ہے کہ خیبرپختونخوا کے بیشتر اضلاع میں موسم خشک جبکہ میدانی اضلاع میں گرم اور مرطوب رہیگا تاہم مانسہرہ، ایبٹ آباد، دیر اور سوات میں چند مقامات پر تیز ہواؤں اورگرج چمک کیساتھ بارش کی پیش گوئی کی گئی ہے۔
سندھ اور بلوچستان کے بیشتر اضلاع میں موسم گرم اور خشک رہنیکا امکان ہے۔کشمیر میں مطلع جزوی ابر آلود رہنے کے علاوہ شام/رات کے دوران چند مقامات پر تیز ہواؤں اورگرج چمک کے ساتھ بارش ہونے کا امکان ہے جبکہ گلگت بلتستان میں موسم خشک اور مطلع جزوی ابرآلود رہنے کی توقع ہے۔ محکمہ موسمیات کی جانب سے بارشوں کی پیشن گوئی کر دی گئی ہے یہ بارشیں 26 ستمبر سے دو اکتوبر کے دوران ہو گی۔ پاکستان کے بیشتر علاقوں میں تیز آندھی کے ساتھ بارشوں کا امکان ہے۔
