ملک بھر میں آج سے1جولائی تک بارشوں کی پیش گوئی
محکمہ موسمیات نے پاکستان بھر میں آج سے 1 جولائی تک بارشوں کی پیشگوئی کی ہے۔تفصیلات کے مطابق محکمہ موسمیات نے بتایا کہ گلگت بلتستان اور کشمیر میں بھی بارش کا امکان ہے۔ محکمہ موسمیات نے بتایا کہ بحیرہ عرب، خلیج بنگال سے مون سون ہوائیں ملک میں داخل ہونے کا امکان ہے۔مزید پیش گوئی کی کہ کراچی سمیت سندھ کے مختلف علاقوں میں بارش ہوسکتی ہے جبکہ اسلام آباد، بلوچستان، پنجاب، خیبر پختونخوا میں بھی بادل برسنے کا امکان ہے۔محکمہ موسمیات نے بتایا کہ گزشتہ چوبیس گھنٹوں میں دیر میں بارہ چترال میں دو ملی میٹر بارش ریکارڈ کی گئی،
آج پشاور کا موسم گرم اور خشک رہیگا پشاور کا درجہ حرارت آج (43) ڈگری تک جانے کے امکان ہے۔محکمہ موسمیات کے مطابق پشاور میں ہوا میں نمی کا تناسب 51 فیصد ریکارڈ کیا گیا۔محکمہ موسمیات نے کہا کہ صوبے کے بالائی علاقوں میں اگلے چوبیس گھنٹوں میں ہلکی بارش کا امکان ہے، گزشتہ روز صوبے میں سب سے زیادہ درجہ حرارت 43 ڈگری ڈیرہ اسمعٰیل خان میں ریکارڈ کیا گیا۔
