کل موسم کیسا رہے گا؟محکمہ موسمیات نے بتا دیا
محکمہ موسمیات کے مطابق جمعہ کے روز ملک کے بیشتر علاقوں میں موسم سرد اور خشک رہ نے کا امکان ہے۔تفصیلات کے مطابق اسلام آباد اور اسکے گردونواح میں موسم سرد اور خشک رہنے کی توقع ہے۔ کے پی کے بیشتر اضلاع میں بھی موسم سرد اور جزوی ابر آلود رہنے کا امکان ہے،
جب کہ بالائی علاقوں میں موسم شدید سرد اور مطلع جزوی ابر آلود رہنے کی پیش گوئی کی گئی ہے۔ اسی طرح سے پنجاب کے بیشتر اضلاع میں موسم سرد اور خشک رہ نے کا امکان ہے، خاص طور پر خطہ پوٹھوہار، گلیات،، مری اور گردونواح میں شدید سرد موسم متوقع ہے۔رات اور شام کے اوقات میں ان علاقوں میں جزوی طور پر ابر آلود موسم رہ نے کا امکان ہے۔ دوسری جانب بلوچستان کے بیشتر اضلاع میں موسم خشک اور جزوی ابر آلود رہ نے کی پیش گوئی کی گئی ہے، جب کہ پہاڑی علاقوں میں شدید سردی کا سامنا ہوگا۔
سندھ کے بیشتر اضلاع میں بھی موسم خشک اور سرد رہنے کی توقع ہے۔ محکمہ موسمیات کیجانب سے جاری کردہ پیش گوئی کے مطابق کشمیر اور گلگت بلتستان میں موسم سرد اور خشک رہیگا، جب کہ رات کے اوقات میں ان علاقوں میں شدید سردی اور جزوی ابر آلود موسم کی پیش گوئی کی گئی ہے۔
محکمہ موسمیات کے مطابق آج کم سے کم درجہ حرارت لہہ منفی تیرہ، زیارت منفی سات، گوپس، قلات، کوئٹہ منفی چھ، استور، کالام، سکردو منفی چار، بگروٹ، مالم جبہ، ہنزہ منفی تین، دیر اور راولاکوٹ میں منفی دو ڈگری سینٹی گریڈ ریکارڈ کیا گیا ہے۔
