واٹس ایپ میں ایک نیا دلچسپ اور کارآمد فیچر شامل کیا جا رہا ہے، جو اسے زیادہ بہتر بنائے گا۔
میڈیا رپورٹس کے مطابق، واٹس ایپ کے اینڈرائیڈ ڈیوائسز کے نئے بیٹا ورژن میں کاسٹیوم فلٹرکا فیچر متعارف کروایا گیا ہے۔
اس فیچر کے ذریعے، صارفین مختلف چیٹ فلٹرز بنا کر اپنی پسند کے افراد کو ان میں شامل کر سکیں گے۔یہ فیچر اہم افراد کو تلاش کرنا اور ان سے بات چیت کرنا آسان بنائے گا۔
اس وقت واٹس ایپ میں 4 چیٹ فلٹرز موجود ہیں۔اس نئے فیچر سے، صارفین اپنی مرضی کی لسٹس بنا سکیں گے، جن میں وہ مختلف کانٹیکٹس یا گروپس کو شامل کر سکیں گے، جیسے گھر والے، دفتر، دوست وغیرہ۔
لسٹ بنانے کے بعد، واٹس ایپ خودکار طور پر فلٹر چیٹ اسکرین پر اس لسٹ کا نام دکھائے گا تاکہ اسے آسانی سے تلاش کیا جا سکے۔
جب آپ کسی کاسٹیوم فلٹر پر کلک کریں گے، تو چیٹ ونڈو میں صرف وہ چیٹس نظر آئیں گی جو اس فلٹر میں شامل ہوں گی۔
بیٹا صارفین واٹس ایپ سیٹنگز میں “لسٹس” کے نئے آپشن کو دیکھ سکیں گے، جہاں سے وہ اپنی نئی لسٹ بنا سکتے ہیں۔
یہ فیچر فی الحال بیٹا ورژن میں ہے، اور ابھی کہنا مشکل ہے کہ یہ کب تمام صارفین کے لیے دستیاب ہوگا۔
