پاکستان کا زبردست جوابی وار، بھارت نے جنگ بندی کی بھیک مانگ لی
پاکستان کے آپریشن “بنیان مرصوص” نے بھارتی غرور کو خاک میں ملا دیا۔ بھارتی فوج کی ترجمان کرنل صوفیہ قریشی نے پریس کانفرنس میں جنگ نہ کرنے کی اپیل کرتے ہوئے کہا کہ بھارت صرف اسی صورت میں پیچھے ہٹے گا اگر پاکستان بھی چاہے۔ یہ بیان پاکستان کی جانب سے بھارت کی فوجی تنصیبات پر کاری ضرب کے بعد سامنے آیا۔
پاکستانی فضائیہ نے بیاس میں واقع براہموس میزائل اسٹوریج سائٹ کو نشانہ بنا کر تباہ کر دیا، جہاں سے بھارت نے میزائل داغے تھے۔ آدم پور، پٹھان کوٹ، بھٹنڈا، سورت گڑھ، ادھم پور اور سرسہ جیسے اہم بھارتی ایئر بیسز مکمل طور پر تباہ کر دیے گئے۔ آدم پور میں موجود بھارت کا اربوں روپے مالیت کا S-400 ڈیفنس سسٹم بھی جے ایف 17 تھنڈر کے ہائپر سونک میزائل کا شکار بن گیا۔
بھارتی انٹیلیجنس کے زیرِ انتظام راجوڑی تربیتی مرکز، جو پاکستان میں دہشتگردی میں ملوث تھا، اسے بھی مکمل طور پر نیست و نابود کر دیا گیا۔ پاکستان کے جدید ترین ڈرونز کئی گھنٹوں سے دہلی کی فضاؤں میں مسلسل گشت کر رہے ہیں، جس نے بھارتی دفاعی کمزوریوں کو ایک بار پھر بے نقاب کر دیا ہے۔
نائب وزیراعظم و وزیر خارجہ اسحاق ڈار کا کہنا ہے کہ اگر بھارت رُک جائے تو پاکستان بھی امن کا راستہ اپنانے کو تیار ہے۔ ان کا کہنا تھا کہ عالمی برادری، خصوصاً امریکا اور سعودی عرب، دونوں ممالک پر زور دے رہے ہیں کہ معاملات کو مزید نہ بڑھایا جائے۔ اس سلسلے میں پاکستان اور بھارت کے ڈی جی ایم اوز کے درمیان رابطہ بھی ہو چکا ہے۔
