واشنگٹن کا سخت پیغام: پاکستان اور بھارت مسئلہ فوری حل کریں ورنہ نتائج بھگتیں
امریکی وزارت خارجہ نے پہلگام واقعے کے بعد پاکستان اور بھارت پر زور دیا ہے کہ وہ مسئلے کے ذمہ دارانہ حل کے لیے کام کریں۔خبر رساں ایجنسی روئٹرز کے مطابق، امریکی وزارت خارجہ کا کہنا ہے کہ یہ صورتحال ہر وقت بدل رہی ہے اور واشنگٹن اس پیش رفت پر قریبی نظر رکھے ہوئے ہے۔بیان میں کہا گیا کہ امریکا بھارت اور پاکستان دونوں کے ساتھ رابطے میں ہے اور تمام فریقین پر مسئلے کے پرامن اور ذمہ دارانہ حل کے لیے زور دے رہا ہے۔
ترجمان امریکی وزارت خارجہ نے مزید کہا کہ امریکا بھارت کے ساتھ کھڑا ہے اور پہلگام میں ہونے والے دہشت گرد حملے کی بھرپور مذمت کرتا ہے۔اس سے قبل پہلگام واقعے اور بھارت و پاکستان کے درمیان بڑھتی ہوئی کشیدگی پر امریکی صدر ڈونلڈ ٹرمپ نے ردعمل دیتے ہوئے مسئلہ کشمیر کو ایک پرانا تنازع قرار دیا تھا۔صدر ٹرمپ نے کہا تھا کہ کشمیر پر دونوں ممالک کے درمیان لڑائی ایک ہزار سال یا شاید اس سے بھی زیادہ عرصے سے جاری ہے۔
انہوں نے مزید کہا کہ “سرحد پر 1500 سال سے کشیدگی ہے اور دونوں ممالک کسی نہ کسی طریقے سے اس حالیہ معاملے کا حل نکال لیں گے۔”دوسری جانب پاکستان کے نائب وزیراعظم و وزیر خارجہ محمد اسحاق ڈار نے پہلگام واقعے کے تناظر میں چینی ہم منصب سے ٹیلی فون پر گفتگو کی۔واشنگٹن کا سخت پیغام: پاکستان اور بھارت مسئلہ فوری حل کریں ورنہ نتائج بھگتیںچینی وزیر خارجہ وانگ یی نے انسداد دہشت گردی کی کوششوں میں پاکستان کی حمایت کا اعلان کرتے ہوئے کہا کہ دہشت گردی کا مقابلہ کرنا اقوام کی مشترکہ ذمہ داری ہے۔
