نوجوانوں کے ذہنوں پر حملہ ناکام فلم اور ڈراموں کے ذریعے شرپسندوں کا مقابلہ ہوگا
وزیراعظم شہباز شریف کی زیرصدارت اعلیٰ سطح کے اجلاس میں سیاسی و عسکری قیادت نے ملک دشمن مہم کا منہ توڑ جواب دینے کا فیصلہ کرلیا۔حکومتی ذرائع کے مطابق دھشت گردی کیخلاف حکومت کے واضح اور دو ٹوک مؤقف پر وزیراعظم کی زیرِ صدارت وفاقی اور صوبائی قیادت کی بڑی بیٹھک ہوئی۔
ذرائع نے بتایا کہ گزشتہ روز وزیراعظم ہاؤس میں اجلاس ہوا، جس میں عسکری و سول قیادت، چاروں صوبوں بشمول آزاد کشمیر اور گلگت بلتستان سے بھی نمائندے شریک تھے۔اجلاس میں فیصلہ کیا گیا کہ جعفر ایکسپریس کے حملہ آوروں کو دنیا کے سامنے بے نقاب کرنے میں کو ئی کسر نہیں چھوڑی جائیگی. جب کہ روایتی اور ڈیجیٹل میڈیا پر ملک دشمن مہم کا منہ توڑ جواب دیا
جائیگا۔اجلاس میں نشینل ایکشن پلان کے تحت قومی بیانیے کو مضبوط کرنے پر اتفاق کیا گیا۔
اجلاس میں قومی بیانیہ کمیٹی کو دہشتگردوں اور شر پسندوں کے سدباب کیلیے مؤثر اور سرگرم بیانیہ بنانیکی ہدایت دی گئی۔ اور فیصلہ کیا گیا کہ قومی بیانیے اور ملک کی سلامتی کے خلاف کسی بھی قسم کے مواد کا سدباب کیا جائیگا.اجلاس میں ملکی سلامتی اور ہم آہنگی کیلیے تمام صوبوں کا تعاون اور آپسی روابط بڑھانے پر اتفاق کیا گیا۔اجلاس میں فیصلہ کیا گیا کہ قومی بیانیے کو نوجوانوں تک پہنچانے کیلیے فلم اور ڈراموں میں ایسے قومی موضوعات اپنائے جائینگے جس سے شرپسندوں کے بیانیے کا مؤثر مقابلہ ہوگا،
چاروں صوبوں نے اس حوالے سے تعاون پر اتفاق کیا۔اجلاس میں فیصلہ کیا گیا کہ قومی بیانئے کے لیے ڈیجیٹل میڈیا پر بھی مواد نشر کیا جائے گا۔اجلاس میں فیصلہ کیا گیا کہ دہشتگردی کے منفی معاشرتی اثرات کو اجاگر کیا جائے، سوشل میڈیا پر جھوٹی خبروں کا سدباب کیا جائے گا، جبکہ ڈیپ فیک اور دیگر ذرائع سے بنائی گئی جھوٹی معلومات اور مواد کا مستند معلومات سے بھرپور جواب دیا جائے گا۔اجلاس میں قومی نصاب میں دہشتگردی کے حوالے سے آگاہی شامل کی جائیگی.
