پنچاب والوں کیلئے خوشخبری دس چھٹیاں
محکمہ ہائر ایجوکیشن پنجاب نے سرکاری اور نجی کالجز کے لیے عیدالفطر کی چھٹیوں کا اعلان کر دیا ہے، جس کے مطابق تمام کالجز 28 مارچ سے 2 اپریل تک بند رہیں گے، یعنی طلبہ اور اساتذہ کو 6 دن کی چھٹی ملے گی۔دوسری جانب، اسکول ایجوکیشن ڈیپارٹمنٹ نے پنجاب بھر کے اسکولوں کے لیے 10 روزہ عید تعطیلات کا اعلان کر دیا ہے۔
اسکول 28 مارچ سے 6 اپریل تک بند رہیں گے، تاہم اساتذہ 4 اپریل کو امتحانی نتائج کے اعلان کے لیے اسکول آئیں گے۔سرکاری ملازمین کے لیے بھی خوشخبری آ گئی، سندھ حکومت نے 4 اپریل کو عام تعطیل کا اعلان کر دیا، جس کے بعد سرکاری دفاتر 29 مارچ سے 6 اپریل تک بند رہیں گے، یوں ملازمین کو 8 دن کی چھٹیاں ملیں گی۔یہ فیصلہ سابق وزیر اعظم ذوالفقار علی بھٹو کو بعد از مرگ “نشان پاکستان” سے نوازے جانے کے ایک دن بعد سامنے آیا ہے۔محکمہ موسمیات کے مطابق پاکستان میں عیدالفطر 31 مارچ بروز پیر کو ہونے کا امکان ہے۔
