کراچی میں افطاری کیلئے بہترین بوفے کہاں ہیں؟
کراچی میں رمضان کے دوران مختلف ریسٹورینٹس افطار اور سحری کے لیے خصوصی بوفے آفرز پیش کر رہے ہیں تاکہ شہری اپنی روزہ افطار کے وقت کو مزید خوشگوار بنا سکیں۔ کراچی کے ان مشہور بوفے آفرز میں کچھ دلچسپ اور ذائقے سے بھرپور مقامات شامل ہیں۔
ہائی وے پر مندی ہاؤس اور شاہین شنواری ریسٹورینٹ: کراچی کا مشہور ہائی وے علاقے میں مندی ہاؤس اور شاہین شنواری ریسٹورینٹس نے رمضان میں خصوصی آفرز متعارف کرائی ہیں۔ مندی ہاؤس نے قیمتوں میں خصوصی رعایت دے کر مزیدار افطار کی پیشکش کی ہے۔ شاہین شنواری ریسٹورینٹ میں 50 سے زائد ڈشوں کا بوفے آفر دستیاب ہے جس کی قیمت بڑوں کے لیے 1700 روپے اور بچوں کے لیے 1450 روپے رکھی گئی ہے۔
لال قلعہ ریسٹورینٹ: شارع فیصل پر موجود لال قلعہ ریسٹورینٹ نے 50 سے زائد دیسی، ولائتی، چائینز اور سی فوڈز پر مشتمل رمضان بوفے کی آفر فراہم کی ہے۔ یہاں کا بوفہ فرد کے لیے 3590 روپے اور بچے کے لیے 1890 روپے میں دستیاب ہے۔
کوکونٹ گروو: کوکونٹ گروو نے افطار کے لیے ایک لاجواب بوفے کی آفر رکھی ہے، جس میں متعدد مزیدار کھانے شامل ہیں۔ یہاں قیمت 2799 روپے رکھی گئی ہے، چاہے بچہ ہو یا بڑا۔ سحری کے لیے بھی ایک بوفے آفر 1999 روپے میں دستیاب ہے، لیکن سحری میں کھانوں کی تعداد 20 ہوتی ہے۔
مزاج ریسٹورینٹ: مزاج نے بھی رمضان بوفے کی آفرز فراہم کی ہیں جہاں 50 سے زائد مزیدار کھانے شامل ہیں۔ خاص بات یہ ہے کہ 4 سال تک کے بچوں سے کوئی قیمت وصول نہیں کی جاتی، جبکہ 4 سال سے زائد عمر کے بچوں کے لیے قیمت 1950 روپے اور بڑوں کے لیے 2950 روپے رکھی گئی ہے۔
سالٹ اینڈ پیپر ریسٹورینٹ: سالٹ اینڈ پیپر میں رمضان بوفے کی آفر کے تحت بہت سی مزیدار ڈشز شامل ہیں۔ یہاں کی قیمت بڑوں کے لیے 1599 روپے اور بچوں کے لیے 999 روپے ہے۔
کراچی کے یہ بوفے آفرز رمضان کے دوران شہریوں کے لیے خوشی کا باعث بن رہے ہیں، اور ان کھانوں کا لطف اٹھانے کے لیے مختلف ریسٹورینٹس نے دلکش قیمتوں پر بہترین آفرز فراہم کی ہیں۔
