کوئٹہ،بھائی نے بہن اور بہنوئی کو قتل کر دیا
بلوچستان کے علاقے کوئٹہ میں بھائی نے گھر میں گھس کر فائرنگ کرکے بہن اور بہنوئی کو قتل کر دیا۔ پولیس کے مطابق بدھ کو کوئٹہ کے علا قے نیو سریاب تھانہ کی حدود میں بھائی نے گھر میں گھس کر فائرنگ کرکے مسماۃ صفیہ بی بی اور منیر احمد کو قتل کر دیا ، پولیس نے لاشوں کو تحویل میں لینے کے بعد ہسپتال منتقل کیا جہاں ضروری کارروائی کے بعد لاشیں ورثاء کے حوالے کر دی گئیں
جبکہ پولیس نے جائے وقوعہ سے شواہد اکھٹے کرنے کے بعد ملزم کی تلاش شروع کر دی ہے ۔دوسری جانب دکی میں ڈکیتی کی واردات کے دوران مزاحمت پر فائرنگ ، ایک شخص جاں بحق 3افرادزخمی ہو گئے۔ لیویز ذرائع کے مطابق بدھ کو دکی کے علاقے واریزئی میںڈکیتی کی واردات کے دوران مزاحمت پر فائرنگ کے نتیجے میں شوکت علی نامی شخص جاں بحق جبکہ انعام ،کریم اللہ اور عبدالہادی زخمی ہو گئے
جنہیں فوری طورپر ہسپتال منتقل کر دیا ،لیویز ذراِئع کے مطابق مقتول اور زخمیوں کا تعلق ضلع پشین سے ہے واقعے کی اطلاع ملتے لیویز فورس نے جائے وقوعہ پہنچ کر علا قے کو گھیرے میں لینے کے بعد شواہد اکھٹے کرکے ملزمان کی تلا ش شروع کر دی۔
