گھروں میں گاڑی دھونے پر مکمل پابندی عائد
لاہور ہائیکورٹ کے احکامات پر محکمہ ماحولیات نے پنجاب میں گھروں میں گاڑیاں دھونے پر پابندی عائد کر دی ہے، اور خلاف ورزی کرنے والوں پر 10 ہزار روپے جرمانہ ہوگا۔محکمہ ماحولیات کے جاری کردہ حکمنامے کے مطابق کسی بھی قسم کے تیل سے گاڑی دھونے پر بھی مکمل پابندی لگا دی گئی ہے۔
مزید برآں، سینئر وزیر مریم اورنگزیب، سیکریٹری ماحولیات راجا جہانگیر اور ڈی جی ماحولیات عمران حامد نے لاہور ہائیکورٹ کے حکم پر ایک کمیٹی تشکیل دے دی ہے۔حکومت نے پنجاب بھر کے سروس اسٹیشنز کو 28 فروری تک پانی ری سائیکلنگ سسٹم لگانے کی ہدایت کی ہے، بصورت دیگر خلاف ورزی پر ایک لاکھ روپے جرمانہ عائد کیا جائے گا۔یہ تمام پابندیاں پنجاب انوائرمنٹل ایکٹ کے تحت فوری طور پر نافذ العمل ہونگی.
