لاہور میں عورت مارچ کی اجازت دیدی گئی
لاھورہائیکورٹ میں عورت مارچ کی اجازت نہ دینے پر ڈپٹی کمشنر کیخلاف توہین عدالت کی درخواست پر سماعت ہوئی ہے۔میڈیا رپورٹس کے مطابق، جسٹس انوار حسین نے لینا غنی سمیت دیگر کی درخواستوں پر سماعت کی۔دوران سماعت، عدالت کو بتایا گیا کہ ڈپٹی کمشنر لاھور کیجانب سے عورت مارچ کی اجازت دیدی گئی۔
سرکاری وکیل نےعورت مارچ کی سکیورٹی سے متعلق خط پیش کیا۔خط میں کہا گیا ہے کہ بارہ فروری کو لاھور میں عورت مارچ کا انعقاد کیا جارہا ہے، عورت مارچ کے شرکا کو فول پروف سیکیورٹی دی جائے۔ بعدازاں، عدالت نے عورت مارچ کی اجازت ملنے پر درخواست نمٹا دی۔
واضح رہے کہ تیس جنوری کو لاھور ہائیکورٹ کے جسٹس انوار حسین نےعورت مارچ کے متعلق احکامات پر عمل درآمد نہ ہونیکے حوالے سے توہین عدالت کی درخواست پر نوٹس جاری کرتے ہوئے ڈپٹی کمشنرسید موسیٰ رضا سے رپورٹ طلب کی تھی۔
